ଭୁବନେଶ୍ୱର,୨୩/୧୨: ଭରତପୁର ଥାନାରେ ହଙ୍ଗାମା ଘଟଣାରେ ତଦନ୍ତ କମିଶନଙ୍କ ନିକଟରେ ସେନାଧିକାରୀ ଓ ତାଙ୍କ ବାନ୍ଧବୀ ହାଜର ହୋଇଛନ୍ତି । ସେମାନେ କମିଶନ ଜଷ୍ଟିସ୍ ଚିତ୍ତରଞ୍ଜନ ଦାସଙ୍କ ସାମ୍ନାରେ ନିଜ ପକ୍ଷ ରଖିଛନ୍ତି । ଅନ୍ୟପଟେ ପୁଲିସ ପକ୍ଷରୁ ଓକିଲମାନେ ଉଭୟଙ୍କୁ ଜେରା କରିଛନ୍ତି ।
ରବିବାର କମିଶନଙ୍କ ଶୁଣାଣି ବେଳେ ଉଭୟେ ଘଟଣାଦିନ ନିର୍ଯାତନାର କାହାଣୀ ବଖାଣିଥିଲେ । ସେମାନଙ୍କୁ ପୁଲିସ ଅଧିକାରୀମାନେ କେମିତି ହଇରାଣ କରିଥିଲେ? ଥାନା ଭିତରେ ବାନ୍ଧବୀ ଓ ତାଙ୍କ ସେନାଧିକାରୀଙ୍କୁ କେମିତି ଜବରଦସ୍ତି ବନ୍ଦୀ କରାଯାଇଥିଲା? ପ୍ରତିପକ୍ଷ ଓକିଲଙ୍କ ପ୍ରଶ୍ନ ବାଣର ଗୋଟି ଗୋଟି କରି ଉତ୍ତର ରଖିଥିଲେ । ସେନାଧିକାରୀ ଓ ବାନ୍ଧବୀଙ୍କ ତରଫରୁ କାହାକୁ ଜେରା କରାଯିବ, ସେନେଇ କମିଶନଙ୍କୁ ତାଲିକା ଦିଆଯାଇଛି । ଶନିବାର ଭାଇରାଲ ହୋଇଥିବା ଭିଡିଓ ଡିସ୍ପ୍ଲେ ହୋଇଥିଲା ।
ସୂଚନାଯୋଗ୍ୟ, କମିଶନଙ୍କ ନିକଟରେ ସମୁଦାୟ ୫୨୫ଟି ସତ୍ୟପାଠ ଦାଖଲ ହୋଇଛି । ସେଥିରୁ ୪୫ଟି ସତ୍ୟପାଠକୁ ଶୁଣାଣି ପାଇଁ ଚୟନ କରାଯାଇଛି ।
