ପ୍ରମୂଖ ଖବର
  • ଚତୁର୍ଥ ଟି-ଟ୍ୱେଣ୍ଟ; ଜିମ୍ବାଓ୍ବେକୁ ୧୦ ୱିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ, ଆଜି ପଞ୍ଚମ ମୁକାବିଲା
  • ||
  • ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଗୁଳିମାଡ଼, ସୁରକ୍ଷାକର୍ମୀଙ୍କ ଗୁଳିମାଡ଼ରେ ସନ୍ଦିଗ୍ଧ ସୁଟର ମୃତ
  • ||
  • ପାଞ୍ଚ ଦଶନ୍ଧିର ଘଟିବ ଅନ୍ତ, ଆଜି ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର, ଦିନ ୧ଟା ପରେ ଶୁଭ ମୁହୂର୍ତ୍ତରେ ଫିଟିବ ତାଲା
  • ||
  • ରାଜ୍ୟରେ ଆସନ୍ତା ଦୁଇ ଦିନ ପ୍ରବଳ ବର୍ଷା ସମ୍ଭାବନା, ୧୮ରେ ଆଉ ଏକ ଘୂର୍ଣ୍ଣିବଳୟ
  • ||

‘୩୦ ଦିନରେ ହମାସକୁ ମୂଳପୋଛ କର’, ଆଇଡିଏଫ୍‌କୁ ନେତନ୍ୟାହୁଙ୍କ ନିର୍ଦ୍ଦେଶ

ନୂଆଦିଲ୍ଲୀ,୧୯।୬: ଗାଜା ପଟିକୁ ଶ୍ମଶାନରେ ପରିଣିତ କରିସାରିଥିବା ଇସ୍ରାଏଲି ସେନା ଏବେ ରାଫା ଉପରେ ଆକ୍ରମଣ ଜାରି ରଖିଛି। ଦିନକୁ ଦିନ ବିପଦଜନକ ହୋଇଛି ଏହି ଲଢେଇ ପୁଣିଥରେ ନିର୍ଦୋଷୀଙ୍କ ହେଉଛି  ଜୀବନ। ଇସ୍ରାଏଲ ସେନା କିଛି ମାସ ପୂର୍ବେ ଗାଜାରେ ଯାହା କରିଥିଲା, ତାହା ଏବେ ରାଫାରେ ରିପିଟ୍ ହେଉଛି। ପୁର୍ବରୁ ଶିବିର ଉପରେ ଆକ୍ରମଣ କରି ଶତାଧିକ ନିରିହ ଲୋକଙ୍କୁ ଟାର୍ଗେଟ କରାଯାଇଥିଲା। ରିପୋର୍ଟ ରହିଛି ଯେ, ନେତନ୍ୟାହୁ ଇସ୍ରାଏଲ ସେନା ଆଇଡିଏଫ୍‌କୁ ଏକ ମାସର ସମୟ ଦେଇ କହିଛନ୍ତି, ରାଫାରୁ ହମାସକୁ ମୂଳପୋଛ କର। ସେଠାରେ ଥିବା ଆତଙ୍କୀ ଶିବିରକୁ ସ୍ମଶାନରେ ପରିଣତ କର।

ଗତ ୭ ଅକ୍ଟୋବରରୁ ଆରମ୍ଭ ହୋଇଥିବା ଇସ୍ରାଏଲ ଓ ହମାସ ଯୁଦ୍ଧ ଶେଷ ହେବାର ନାଁ ଧରୁନି। ଗୋଟିଏ ପଟେ ଦୁନିଆର ସବୁ ଦେଶ ଇସ୍ରାଏଲକୁ ମନାଇବା ଓ ଯୁଦ୍ଧ ରୋକିବା ପାଇଁ ଧମକ ଦେବାରେ ଲାଗିଛନ୍ତି,କିନ୍ତୁ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁଙ୍କ ଉପରେ ଧମକର କୌଣସି ପ୍ରଭାବ ଦେଖିବାକୁ ମିଳିଛି। ସେ ଲଗାତାର ହମାସକୁ  ଶେଷ କରିବା କଥା ଦୋହରାଉଛନ୍ତି। ସେ କହିଛନ୍ତି, ହମାସକୁ ଯେଉଁ ପର୍ଯ୍ୟନ୍ତ ନର୍କକୁ ନପଠା ଯାଇଛି, ଯୁଦ୍ଧ ବନ୍ଦ ହେବନି। ଇସ୍ରାଏଲର ପ୍ରାଥମିକତା କେବଳ ହମାସକୁ ନଷ୍ଟ କରିବା ନୁହେଁ, ନିଜ ଲୋକଙ୍କୁ ହମାସ କବଜାରୁ ଛଡାଇବା। ଏଥିପାଇଁ ଇସ୍ରାଏଲ ସେନା ନୂଆ ରଣନୀତି ଅନୁସାରେ, ରାଫାରେ ଯୁଦ୍ଧ ଜାରି ରଖିଛି।

ଟାଇମ୍ସ ଅଫ୍ ଇସ୍ରାଏଲର ରିପୋର୍ଟ ଯେ, ନେତନ୍ୟାହୁ ନିଜ ସେନାକୁ ଏକ ମାସର ସମୟ ଦେଇ କହିଛନ୍ତି, ସେ ରାଫାରେ ହମାସକୁ ମୂଳପୋଛ କରି ଦିଅ। ଗାଜା ଭଳି ରାଫାରେ ଥିବା ଟନେଲରେ ଚଢାଉ କରି ହମାସକୁ ଖୋଜି ବାହାର କର। ଆଇଡିଏଫ୍‌ର କର୍ଣ୍ଣଲ ବୋଟିଟୋ କହିଛନ୍ତି ରାଫାରେ ହମାସର ଆତଙ୍କୀ ଏବେ ଆମ ଜାଲ୍‌ରେ ଫଶୁଥିବାର ଜଣାଯାଉଛି। ସେମାନେ ପୂର୍ବେ ଲୋକଙ୍କ ଘରେ ଆଶ୍ରୟ ନେଉଥିଲେ, ଏବେ ଆମର ଆକ୍ରମଣ ପରେ ନିଜର ସୁଡଙ୍ଗୁ ଫେରି ଆସିବାକୁ ବାଧ୍ୟ ହୋଇଛନ୍ତି। ଏଭଳି ସ୍ଥିତିରେ ଆମ ସୈନିକ ତାଙ୍କ ସୁଡଙ୍ଗ ଉପରେ ଫୋକସ୍ କରିଛନ୍ତି।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.