ଛତ୍ରପୁର,୨୬/୦୭: ଜବତ ହେଲା ଗୋମାଂସ ବୋଝେଇ ଟ୍ରକ । ଛତ୍ରପୁର ଡିଆରଡିଏ ଛକ ନିକଟରେ ଶୁକ୍ରବାର ସକାଳେ ଏଭଳି ଅମାନୁସିକ ଘଟଣା ଦେଖିବାକୁ ମିଳିଛି । ଏହି ଗୋମାଂସ ବୋଝେଇ ଟ୍ରକ କଟକରୁ ହାଇଦ୍ରାବାଦ ଯାଉଥିବା ସୂଚନା ମିଳିଛି । 

ସୂଚନା ଅନୂଯାୟୀ, ବଜରଙ୍ଗଦଳ ସଦସ୍ୟ ଗୋମାଂସ ଚାଲାଣ ହେଉଥିବା ନେଇ କୌଣସି ପ୍ରକାରେ ଖବର ପାଇଥିଲେ । ସ୍ଥାନୀୟ ଯୁବକମାନେ ମିଶି ଡିଆରଡିଏ ଛକ ନିକଟରେ ଟ୍ରକଟିକୁ ଅଟକାଇଥିଲେ । ସେଥିରେ ଥିବା  କଣ୍ଟେନରରେ ବହୁ ପରିମାଣର  ଗୋମାଂସ ରଖାଯାଇଥିଲା । ଉକ୍ତ ଟ୍ରକରୁ ପାଖାପାଖି ୧୨ ଟନ ଗୋମାଂସ ଜବତ କରାଯାଇଛି । ସ୍ଥାନୀୟ ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ଡ୍ରାଇଭରକୁ ଅଟକ ରଖି ପଚରା ଉଚରା କରୁଛି । କିଛି ଦିନ ତଳେ ମଧ୍ୟ ଏଭଳି ଘଟଣା ଦେଖିବାକୁ ମିଳିଥିବାରୁ ଉତ୍ୟକ୍ତ ହୋଇ ଉଠିଛନ୍ତି ସ୍ଥାନୀୟ ଲୋକେ । ଏହି କରବାରର ମୁଖ୍ୟକୁ ତୁରନ୍ତ ଗିରଫ କରିବାକୁ ଦାବୀ କରିଛନ୍ତି ବଜରଙ୍ଗ ଦଳର ସଦସ୍ୟ ।