ଝାରସୁଗୁଡ଼ା, ୦୧/୦୯: ପରଲୋକରେ ପୁର୍ବତନ ବିଧାୟକ ଅଶ୍ୱିନୀ ଗୁରୁ । ୬୯ ବର୍ଷ ବୟସରେ ସମ୍ବଲପୁର ବିଧାନସଭା ନିର୍ବାଚନ ମଣ୍ଡଳୀର ପୁର୍ବତନ ବିଧାୟକ ଅଶ୍ୱିନୀ ଗୁରୁ ଦେହତ୍ୟାଗ କରିଛନ୍ତି  । ସେ ରବିବାର ଭୋର ୪ଟା ସମୟରେ ହୃଦଘାତରେ ପ୍ରାଣ ହରାଇଛନ୍ତି  । ବ୍ରଜରାଜନଗର ସ୍ଥିତ ହରିଓଁ ବିହାର ବାସଭବନରେ ତାଙ୍କ ମରଶରୀରକୁ ଶେଷ ଦର୍ଶନ ପାଇଁ ରଖାଯାଇଛି ।

ଅଶ୍ୱିନୀ ଗୁରୁ ୧୯୮୦ରୁ ୧୯୮୫ ମସିହା ପର୍ଯ୍ୟନ୍ତ ୫ ବର୍ଷ ଯାଏ କଂଗ୍ରେସ ବିଧାୟକ ହୋଇ ସମ୍ବଲପୁରର ଅନେକ ଜନ ହିତକର ଯୋଜନାର କାମ କରିଛନ୍ତି । ସେ ପୁର୍ବତନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକଙ୍କ ମୁଖ୍ୟମନ୍ତ୍ରୀ ସମୟରେ ବିଧାୟକ ରହିଥିଲେ । ସେ ୨୦୧୮ ରୁ ୨୦୨୨ ପର୍ଯ୍ୟନ୍ତ ସମ୍ବଲପୁରର କଂଗ୍ରେସର ଜିଲ୍ଲା ସଭାପତି ଓ ଏଆଇସିସି ସଦସ୍ୟ ରହିଥିଲେ l