ନୂଆଦିଲ୍ଲୀ,୧୭/୦୯: ଆମ୍ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜ୍ରିୱାଲ ଦିଲ୍ଲୀର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି। ସେ ରବିବାର ଘୋଷଣା କରିଥିଲେ ଯେ ସେ ସିଏମ ପଦରୁ ଇସ୍ତଫା ଦେବେ। ସେ ଆହୁରି ମଧ୍ୟ କହିଛନ୍ତି ଯେ ଜନସାଧାରଣ ତାଙ୍କୁ ସଚ୍ଚୋଟତାର ପ୍ରମାଣପତ୍ର ନଦେବା ପର୍ଯ୍ୟନ୍ତ ସେ ସିଏମ୍ ଚେୟାରରେ ବସିବେ ନାହିଁ। ଉପରାଜ୍ୟପାଳଙ୍କୁ ଭେଟିବା ପରେ ଗୋପାଳ ରାୟ କହିଛନ୍ତି ଯେ, ଅରବିନ୍ଦ କେଜ୍ରିୱାଲ ଉପ ରାଜ୍ୟପାଳଙ୍କ ନିକଟରେ ଇସ୍ତଫା ଦେଇଛନ୍ତି। ସେପଟେ ଆତିଶୀଙ୍କ ପକ୍ଷରୁ ସରକାର ଗଠନ ପାଇଁ ଦାବିଦାର ମଧ୍ୟ ଉପସ୍ଥାପନ ହୋଇଛି। ଶପଥ ଗ୍ରହଣ ତାରିଖ ସ୍ଥିର କରିବାକୁ ଦିଲ୍ଲୀ ଉପରାଜ୍ୟାପାଳଙ୍କୁ କୁହାଯାଇଛି।
ଏହାପୂର୍ବରୁ ରବିବାର ଦିନ ତିହାର ଜେଲରୁ ଜାମିନରେ ମୁକ୍ତ ହେବା ପରେ ଅରବିନ୍ଦ କେଜ୍ରିୱାଲ ତାଙ୍କ ଅପ୍ରତ୍ୟାଶିତ ନିଷ୍ପତ୍ତି ଘୋଷଣା କରି କହିଥିଲେ ଯେ, ସେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବେ ଏବଂ ଆଗାମୀ ଦିନରେ ଜନସାଧାରଣ ତାଙ୍କୁ 'ସଚ୍ଚୋଟତା' ପ୍ରଦାନ କଲେ ହିଁ ସେ ଏହି ପଦକୁ ଫେରିବେ। ଆଗାମୀ ଦିଲ୍ଲୀ ବିଧାନସଭା ନିର୍ବାଚନରେ ଲୋକେ ତାଙ୍କୁ ସର୍ଚ୍ଚୋଟତାର ସାର୍ଟିଫିକେଟ୍ ଦେବେ। ଏଥିସହ ସେ ଦିଲ୍ଲୀରେ ଶୀଘ୍ର ନିର୍ବାଚନ କରିବାକୁ ଦାବି କରିଛନ୍ତି। ଆସନ୍ତା ବର୍ଷ ଫେବୃଆରୀ ୨୩ ରେ ଦିଲ୍ଲୀ ବିଧାନସଭାର କାର୍ଯ୍ୟକାଳ ଶେଷ ହେବ ଏବଂ ଫେବୃଆରୀ ଆରମ୍ଭରେ ନିର୍ବାଚନ ହେବାର ସମ୍ଭାବନା ରହିଛି।