ଭୁବନେଶ୍ୱର, ୧୦/୧୦: ରାସ୍ତାରେ ବୁଲିଲା ଅଜଗର । ରାସ୍ତା ପାରି ହେବା ସହ ଡିଭାଇଡର ଉପରେ ଶୋଇଗଲା । ସ୍ଥାନୀୟ ଖଣ୍ଡଗିରି ଥାନା ଗଣ୍ଡମୁଣ୍ଡା ଛକରେ ବିଳମ୍ବିତ ରାତିରେ ଗୋଟିଏ ଅଜଗର ସାପ ରାସ୍ତା ପାରି ହେଉଥିବା ବେଳେ ଲୋକଙ୍କ ନଜରକୁ ଆସିଥିଲା ।
ପାଖାପାଖି ୮ଫୁଟ ଲମ୍ଭାର ଅଜଗର ରାସ୍ତାରେ ବୁଲାବୁଲି କରୁଥିବାରୁ ଲୋକଙ୍କ ମନରେ ଆତଙ୍କ ଖେଳି ଯାଇଛି । ଦୀର୍ଘ ସମୟ ରାସ୍ତାରେ ଅଜଗର ବୁଲୁଥିବା ବେଳେ ଜଣେ ବନ କର୍ମଚାରୀ ଏହାକୁ ଦେଖିଥିଲେ । ସେ ଉକ୍ତ ସ୍ଥାନରେ ଉପସ୍ଥିତ ରହି ସାପ ଧରାଳୀଙ୍କୁ ଖବର ଦେଇଥିଲେ । ଖବର ପାଇ ସାପ ଧରାଳୀ ଘଟଣାସ୍ଥଳରେ ପହଞ୍ଚି ଅଜଗରକୁ ଉଦ୍ଧାର କରିବା ପରେ ସ୍ଥାନୀୟ ଅଞ୍ଚଳରରେ ସ୍ଥିତି ସୁଧୁରିଥିଲା ।
