ଶ୍ରୀନଗର,୩୧/୭ : ୨୯ଜୁନରୁ ଆରମ୍ଭ ହୋଇଥିବା ଚଳିତ ବର୍ଷର ପବିତ୍ର ଅମରନାଥ ଯାତ୍ରା ଗତବର୍ଷର ରେକର୍ଡ଼ ଭାଙ୍ଗିଛି । ଗତ ବର୍ଷ ୬୨ଦିନର ପୂରା ଯାତ୍ରାରେ ୪.୫ଲକ୍ଷ ଲୋକ ବାବାଙ୍କ ଦର୍ଶନ କରିଥିଲେ କିନ୍ତୁ ଏଥର ଏହି ସଂଖ୍ୟା ବଢିଯାଇଛି ଏବଂ ଯାତ୍ରାର ପ୍ରଥମ ୩୨ଦିନରେ ୪.୭୧ ଲକ୍ଷରୁ  ଅଧିକ ଶ୍ରଦ୍ଧାଳୁ ଏବେ ପର୍ଯ୍ୟନ୍ତ ବାବାଙ୍କ ଦର୍ଶନ କରି ସାରିଛନ୍ତି ।

ପ୍ରକାଶ ଯେ, ଚଳିତ ବର୍ଷର ଅମରନାଥ ଯାତ୍ରାରେ ଏବେ ପ୍ରାୟ ୧୯ଦିନ ବାକି ଅଛି, କିନ୍ତୁ ଦର୍ଶନ କରିବାକୁ ଆସୁଥିବା ଭକ୍ତଙ୍କ ସଂଖ୍ୟାରେ କୌଣସି କମ୍ ଦେଖାଯାଉନାହିଁ । ଯାତ୍ରାର ଶେଷ ଦିନରେ ବି ପ୍ରତିଦିନ ୨ହଜାରରୁ ଅଧିକ ଭକ୍ତ ଏବେ ବି ଦର୍ଶନ କରିବା ଲାଗି ଗୁମ୍ପାରେ ଚଢୁଛନ୍ତି । ଯାହାଦ୍ବାରା ଏହା ଆଶା କରାଯାଉଛି କି ଚଳିତ ବର୍ଷ ଗତ ବର୍ଷର ଅମରନାଥ ଯାତ୍ରାର ରେକର୍ଡ଼ ଭାଙ୍ଗିପାରେ ।