ଭଞ୍ଜନଗର ୨୪/୦୧: ଶାଳୁଆପଲ୍ଲୀ ନିକଟ ଜାତୀୟ ରାଜପଥରେ ଭାରସାମ୍ୟ ହରାଇ ଓଲଟିଲା ଭଞ୍ଜନଗର ଅତିରିକ୍ତ ଆରକ୍ଷୀ ଅଧିକ୍ଷକଙ୍କ କାର୍। ଦୁର୍ଘଟଣାରେ ଅତିରିକ୍ତ ଏସପି ରଞ୍ଜନ କୁମାର ଦେଙ୍କ ସମେତ ତାଙ୍କ ଶାଶୁ ସବିତା ରାଉତ ଓ ସ୍ତ୍ରୀ ସୁଜାତା ଦେ ଆହତ ହୋଇଛନ୍ତି।।ସ୍ଥାନୀୟ ବାସିନ୍ଦା ତାଙ୍କୁ ଉଦ୍ଧାର କରି ମେଡିକାଲ ପଠାଇଥିଲେ। ଆହତ ମାନେ ବ୍ରହ୍ମପୁରରେ ଚିକିତ୍ସା ହେଉଥିବା ଜଣାପଡିଛି।
ସୂଚନା ଅନୁଯାଇ, ଗତକାଲି ବିଳମ୍ବିତ ରାତିରେ ଅତିରକ୍ତ ଏସ୍ପି ଶ୍ରୀ ଦେ କୌଣସି କାମରେ ନିଜ ପୈତୃକ ଘର ବାଲେଶ୍ଵର ଯାଇ କାର୍(ଓଡ଼ି୦୫ବିଏ୦୨୨୮)ରେ ଭଞ୍ଜନଗର ଫେରୁଥିବା। ଶାଳୁଆପଲ୍ଲୀ ନିକଟରେ ହଠାତ୍ ଡ୍ରାଇଭରଙ୍କ ଆଖି ପଡିଯିବାରୁ କାର୍ ଉପରୁ ନିୟନ୍ତ୍ରଣ ହରାଇ ବସିଥିଲେ। ପରେ କାର୍ଟି ଭାରସାମ୍ୟ ହରାଇ ରାସ୍ତା ପାର୍ଶ୍ବରେ ଥିବା ଏକ ଗଛ ଏବଂ ଦୋକାନକୁ ଧକ୍କା ଦେବା ପରେ ଓଲଟିପଡିଥିଲା। ଫଳରେ ଗାଡି ମଧ୍ୟରେ ଥିବା ଅତିରିକ୍ତ ଆରକ୍ଷୀ ଅଧିକ୍ଷକ ଶ୍ରୀ ଏସପିଙ୍କ ସମେତ,ତାଙ୍କ ପତ୍ନୀ ଓ ଶାଶୁ ଏବଂ ଗାଡିର ଡ୍ରାଇଭର କୃଷ୍ଣ ପାତ୍ର ଆହତ ହୋଇଥିଲେ।ସ୍ଥାନୀୟ ବାସିନ୍ଦା ତାଙ୍କୁ ଉଦ୍ଧାର କରି ମେଡିକାଲ ପଠାଇଥିଲେ।ଆହତ ମାନେ ବ୍ରହ୍ମପୁର ରେ ଚିକିତ୍ସା ହେଉଛନ୍ତି ।
