ବାଲେଶ୍ଵର,୨୦/୦୯: ଆୟ ବହିର୍ଭୁତ ସମ୍ପତି ଠୁଳ ଅଭିଯୋଗରେ ଭିଜିଲାନ୍ସ ରେଡ୍‌ । ବାଲେଶ୍ଵର ଗ୍ରାମ ଉନ୍ନୟନ ବିଭାଗର ମୁଖ୍ୟ ନିର୍ମାଣ ଯନ୍ତ୍ରୀଙ୍କ କାର୍ଯ୍ୟଳୟରେ ଭିଜିଲାନ୍ସର ଚଢ଼ାଉ । ମୁଖ୍ୟ ନିର୍ମାଣ ଯନ୍ତ୍ରୀ ଏନଭି ହରିହର ରାଓଙ୍କ କୁକୁଡ଼ା ପଦା ସ୍ଥିତ କାର୍ଯ୍ୟାଳୟ ଓ ସରକାରୀ ବାସଭବନରେ ଚଢାଉ । ଏଥି ସହିତ ବ୍ରହ୍ମପୁର ଓ ଭୁବନେଶ୍ବରରେ ମଧ୍ୟ ଚଢାଉ ହେଉଥିବା ସୂଚନା ମିଳିଛି ।

ମୋଟ ୧୧ଟି ସ୍ଥାନରେ ଏକକାଳୀନ ରେଡ କରୁଛି ଭିଜିଲାନ୍ସ । ୧୧ ଜଣ ଡିଏସପି, ୭ ଜଣ ଇନସ୍ପେକ୍ଟର,୧୧ ଜଣ ଏଏସଆଇ ଏବଂ ଅନ୍ୟାନ୍ୟ ସହାୟକ କର୍ମଚାରୀଙ୍କ ନେତୃତ୍ତ୍ୱରେ ଏହି ରେଡ୍‌ ହେଉଛି । ଏନେଇ ସ୍ୱତନ୍ତ୍ର ବିଚାରପତି ଏକ ସର୍ଚ୍ଚ ୱାରେଣ୍ଟ ଜାରି କରିଥିଲେ । ଭୁବନେଶ୍ୱର, ବାଲେଶ୍ୱର, ବ୍ରହ୍ମପୁର, କେନ୍ଦୁଝର ଏବ ଫୁଲବାଣୀର ୧୧ ଟି ସ୍ଥାନରେ ଏହି ରେଡ୍‌ ଜାରି ରହିଛି ।

ବ୍ରହ୍ମପୁରର ଭବିନିପୁର ସ୍ଥିତ ଦୁଇ ମହଲା କୋଠା, ଭୁବନେଶ୍ୱରର ପାତ୍ରପଡ଼ା ସ୍ଥିତ ଘର, ବ୍ରହ୍ମପୁରର କାମାପଲ୍ଲୀ ସ୍ଥିତ ସ୍ପେକ୍ଟମ ଗ୍ରୀନ୍‌ ଆପାର୍ଟମେଣ୍ଟର ଏକ ଫ୍ଲାଟ୍‌ , ଫୁଲବାଣୀ ସ୍ଥିତ ପୈତୃକ ଘର , ବାଲେଶ୍ୱରସ୍ଥିତ ଅଫିସ, ବାଲେଶ୍ୱରସ୍ଥିତ ସରକାରୀ ଆବାସ, କେନ୍ଦୁଝର ସ୍ଥିତ ଅଫିସ ଏବଂ କ୍ୱାର୍ଟର ସହ କେନ୍ଦୁଝରସ୍ଥିତ ସହଯୋଗୀଙ୍କ ଘରେ ଚଢାଉ କରିଛି ଟିମ୍‌ । ସେହିଭଳି ବ୍ରହ୍ମପୁର ତୁଳସୀ ନଗରରେ ଥିବା ସମ୍ପର୍କୀୟଙ୍କ ଘର ଏବଂ ଶାନ୍ତି ନଗରରେ ଥିବା ସମ୍ପର୍କୀୟଙ୍କ ଘରେ ମଧ୍ୟ ଖୋଳତାଡ କରୁଛି ଭିଜିଲାନ୍ସ ।