ମାଲକାନଗିରି,୧୮/୪ : ବିଏସଏଫ ଯବାନଙ୍କୁ ମିଳିଛି ଏକ ବଡ଼ ସଫଳତା । ବିଏସଏଫ ଯବାନଙ୍କ କୁମ୍ବି ଅପରେସନ ବେଳେ ମାଓବାଦୀଙ୍କ ଡମ୍ପ ଠାବ କରି ବନ୍ଧୁକ, ଗୋଳାବାରୁଦ ବିପୁଳ ପରିମାଣର ମାଓ ସାମଗ୍ରୀ ଜବତ କରିଛନ୍ତି ।

ମାଲକାନଗିରି ଜିଲ୍ଲା କାଲିମେଳା ଥାନାସ୍ଥ ବଡ଼ି ଗେଟା ବିଏଏସଫ କ୍ୟାମ୍ପ ପକ୍ଷରୁ ଆଜି କୁର୍ମାନୁର ପଞ୍ଚାୟତ ଏଲକା ନୁର ଜଙ୍ଗଲରେ କୁମ୍ବି ଅରେସନ କରୁଥିବାବେଳେ ପାହାଡ଼ ନିକଟ ଏକ ଗୁମ୍ଫା ଭିତରେ ମାଓବାଦୀ ଲୁଚାଇ ରଖିଥିବା ଏକ ଡମ୍ପିଙ୍ଗ ଠାବ କରିଥିଲେ। 

ତାକୁ ଯାଞ୍ଚ କରିବାରୁ ସେଥିରୁ ଏସବିଏମଏଲ ବନ୍ଧୁକ ୭ଟି, ୫କେଜିଆ ଟିଫିନ ବମ ୨ଟି, ହ୍ୟାଣ୍ଡ ଗ୍ରେନେଡ଼ ୪ଟି, ଗ୍ୟାସ ସିଲିଣ୍ଡର ୨ଟି, ଷ୍ଟିଲ ବଲ ୫୦୦ଟି, ୨୦ମିଟର ବିଦ୍ୟୁତ ତାର, ଗୋଳାବାରୁଦ, ମାଓ ସାମଗ୍ରୀ ଜବତ କରିଛନ୍ତି । ଆଗାମୀ ନିର୍ବାଚନ ପାଇଁ ମାଓବାଦୀମାନେ କୌଣସି ଏକ ବଡ଼ ଧରଣ ହିଂସା କାଣ୍ଡ ଘଟାଇ ବା ଯୋଜନାକୁ ଯବାନମାନେ ପଣ୍ଡ କରି ଦେଇଛନ୍ତି।