ବଣାଇ ୦୨/୦୫: ମାମୁଁକୁ ପଥରରେ ଛେଚି ହତ୍ୟା କଲା ନୃଶଂସ ଭଣଜା। ହତ୍ୟା କରିବା ପରେ ପୋଲିସ ନିକଟରେ ଆତ୍ମସମର୍ପଣ କଲା ହତ୍ୟା କାରି ଭଣଜା। ଏଭଳି ଅଭାବନୀୟ ଘଟଣା ସୁନ୍ଦରଗଡ଼ ଜିଲ୍ଲା କେ ବଲାଙ୍ଗ ଥାନା ଗୌଡୁଣିପୋଷ ଗ୍ରାମର ପତଳା ସାହିରେ ଘଟିଛି।
ସୂଚନା ମୁତାବିକ, ଲହୁଣୀପଡ଼ା ଥାନା କେନାପାଲି ଗାଁର ସୁବନ କଂଶରିଆ ଗୌଡୁଣିପୋଷ ଗାଁରେ ଥିବା ଭଣଜା ଠୁରୁ ଧୀବର ଘରକୁ ବୁଲିବାକୁ ଯାଇଥିଲେ । କୌଣସି ଘଟଣାକୁ ନେଇ ମାମୁଁ ଓ ଭଣଜାଙ୍କ ମଧ୍ୟରେ ବଚସା ହୋଇଥିଲା । ଶେଷରେ ଏହି ସାମାନ୍ୟ ବଚସାକୁ ନେଇ ଘଟିଲା ହତ୍ୟାକାଣ୍ଡ । ମାମୁଁକୁ ପଥରରେ ଛେଚି ଛେଚି ହତ୍ୟା କରିଦେଲା ଭଣଜା । ହତ୍ୟା କରିବା ପରେ ପୋଲିସ ପାଖରେ ଆତ୍ମସମର୍ପଣ କରିଛି ହତ୍ୟାକାରୀ ଭଣଜା। କେ ବଲାଙ୍ଗ ଥାନାରେ ଆତ୍ମସମର୍ପଣ କରିଥିବା ବେଳେ ପୋଲିସ ତାକୁ ଅଟକ ରଖି ପଚରାଉଚରା ଜାରି ରଖିଛି ।
Also Read :-
ସାପ କାମୁଡ଼ାରେ ଆଖିବୁଜିଲା ୯ ବର୍ଷର ଶିଶୁପୁତ୍ର