ଗୋଛାପଡା, ୫।୯ : ଫିରିଙ୍ଗିଆ ବ୍ଲକ ବନ୍ଧଗଡ଼ ପଂଚାୟତ ମନୁଆବାଡି ଗାଁରେ ଥିବା ବିଭିନ୍ନ ସମସ୍ୟା ନେଇ  ଗ୍ରାମବାସୀ ବ୍ଲକ ଅଧ୍ୟକ୍ଷାକୁ ଭେଟିଛନ୍ତି। ସମସ୍ୟାର ସମାଧାନ ପାଇଁ ଦାବିପତ୍ର ଦେଇଛନ୍ତି। 

 ଫିରିଙ୍ଗିଆ ବ୍ଲକ ବନ୍ଧଗଡ଼ ପଂଚାୟତ ୧୧ ନମ୍ବର ୱାର୍ଡରେ ରହିଛି ମନୁଆବାଡ଼ି ଗାଁ I ଦୀର୍ଘ ବର୍ଷ ହେବ ରାଜସ୍ୱ ଗାଁର ମାନ୍ୟତା ପାଇଥିଲେ ମଧ୍ୟ୍ୟ ବର୍ତ୍ତମାନ ସୁଦ୍ଧା ଗ୍ରାମବାସୀ ବିଭିନ୍ନ ମୌଳିକ ସୁବିଧା ରୁ ବଞ୍ଚିତ ହୋଇଛନ୍ତି I ଶିକ୍ଷା ସ୍ୱାସ୍ଥ୍ୟ ଗମନାଗମନ ଏହି ଗ୍ରାମବାସୀଙ୍କ ପାଇଁ ସପନ ପାଲଟିଛି I  ଗ୍ରାମବାସୀ ଗାଁର ସମସ୍ୟା ବିଷୟରେ ବାରମ୍ବାର ଅଭିଯୋଗ କରି ଆସୁଥିବା କୌଣସି କାର୍ଯ୍ୟ ହୋଇ ପାରି ନାହିଁ I ଗାଁରେ ପ୍ରଥମିକ ବିଦ୍ୟାଳୟ ତ ଦୂରର କଥା ଗାଁ ରେ ଅଙ୍ଗନବାଡି  କେନ୍ଦ୍ରଟିଏ ମଧ୍ୟ୍ୟ ଆଜି ପର୍ଯ୍ୟନ୍ତ ହୋଇପାରି ନାହିଁ । ଯାହା ଫଳରେ ଗାଁ ର କୁନି କୁନି ଛାତ୍ରଛାତ୍ରୀମାନଙ୍କୁ ଗାଁ ଠାରୁ ଦୁଇ କିଲୋମିଟର ଦୂରରେ ଥିବା କରଣ୍ଡା ଗଡ଼ ଗାଁ ରେ ଥିବା ଅଙ୍ଗନବାଡିକୁ ଯିବାକୁ ପଡୁଛି I ଅନ୍ୟପଟେ ଗାଁ କୁ ଯିବାକୁ ଭଲ ରାସ୍ତା ଟିଏ ନଥିବାରୁ ଗାଁ ର ଲୋକଙ୍କୁ ନାହିଁନଥିବା ଅସୁବିଧାର ସମ୍ମୁଖୀନ ହେବାକୁ ପଡୁଛି I ଏମିତିକି ଗାଁ ର ଆରାଧ୍ୟ ଠାକୁର ଭାବରେ ପୂଜା ପାଉଥିବା ପୀତବଳି ଦେବୀଙ୍କ ମନ୍ଦିର ମଧ୍ୟ୍ୟ ଅର୍ଦ୍ଧ ନିର୍ମିତ ଭାବରେ ପଡ଼ିରହିଛି I ଯାହା ପାଇଁ ଗ୍ରାମବାସୀ ଠିକ ଭାବରେ ପୂଜାପାଠ ମଧ୍ୟ୍ୟ କରିପାରୁନାହାନ୍ତି I ଏହି ସବୁ ସମସ୍ୟା କୁ ନେଇ ମଙ୍ଗଳବାର ଫିରିଙ୍ଗିଆ ବ୍ଲକ କାର୍ଯ୍ୟଳୟ କୁ ଆସି ବ୍ଲକ ଅଧ୍ୟକ୍ଷା ନମିତା କହଁର ଙ୍କୁ ମନୁଆବାଡ଼ି ଗ୍ରାମବାସୀ ଙ୍କ ସହ ସ୍ୱୟଂ ସହାୟକ ଗୋଷ୍ଠିର ମହିଳା ମାନେ ଏକ ଦାବିପତ୍ର ପ୍ରଦାନ କରିଛନ୍ତି I

ଆହୁରି ପଢନ୍ତୁ :