ଭୁବନେଶ୍ୱର,୩୦/୦୧: ଓଡିଆ ବିଶ୍ୱ ଭାଷା ସମ୍ମିଳନୀ ପୂର୍ବରୁ ରାଜଧାନୀରେ ଓଡିଆ ସାଇନ ବୋର୍ଡକୁ ଜୋରଦାର କରାଯାଇଛି । ଜିଲ୍ଲା ଶ୍ରମ କାର୍ଯ୍ୟାଳୟ ଓ ବିଏମ୍ସିର ପକ୍ଷରୁ ମିଳିତ ଭାବେ ଚଢାଉ କରାଯାଇଛି । ୧୫ ଦିନରେ ପାଖାପାଖି ୧୯୦୦ ଦୋକାନକୁ ନୋଟିସ୍ ଜାରି କରିଛି ଶ୍ରମ ବିଭାଗ ।
ଦୋକାନ ଓ ବ୍ୟବସାୟିକ ଅନୁଷ୍ଠାନରେ ଓଡ଼ିଶା ଭାଷା ଲେଖିବା ବାଧ୍ୟତାମୂଳକ କରାଯାଇଛି । ରାଜଧାନୀରେ ଏକାଧିକ ଦୋକନ ଏହି ନିୟମକୁ ଫୁ ରେ ଉଡାଉଛନ୍ତି । କେବଳ ଇଂରାଜୀ ଭାଷାରେ ନାମଫଳକ ଲେଖୁଛନ୍ତି । ସେପଟେ ଆଗକୁ ଓଡିଆ ବିଶ୍ୱ ଭାଷା ସମ୍ମିଳନୀ ଥିବାରୁ ଚଢାଉକୁ ଜୋରଦାର କରାଯାଇଛି ।
ଭିକ୍ଷାବୃତ୍ତି ମୁକ୍ତ ଭାରତ ଅଭିଯାନ: ୨୦୨୬ ସୁଦ୍ଧା ଦେଶର ୩୦ଟି ପର୍ଯ୍ୟଟନସ୍ଥଳୀକୁ ଭିକାରିମୁକ୍ତ କରିବାକୁ ଯୋଜନା
ଏନେଇ ଶ୍ରମ ବିଭାଗ ପକ୍ଷରୁ ୨୦ ଜଣିଆ ଟିମ୍ ଗଠନ କରାଯାଇଛି । ପୁରୀ, ନୟାଗଡ, ଖୋର୍ଦ୍ଧାରୁ ଶ୍ରମ ବିଭାଗର ଅଧିକାରୀ ଭୁବନେଶ୍ୱରରେ ଡେରା ପକାଇଛନ୍ତି । ପ୍ରତିଦିନ ଦୋକାନ ଉପରେ ଚଢାଉ କରାଯାଇ ନୋଟିସ ଦିଆଯାଉଛି । ମାସେ ଭିତରେ ସାଇନ୍ ବୋର୍ଡରେ ଓଡିଆ ନ ଲେଖିଲେ କୋର୍ଟରେ ମାମଲା ହେବା ନେଇ ନୋଟିସ୍ କରାଯାଇଛି । ତେବେ ବର୍ତ୍ତମାନ ସୁଦ୍ଧା ଗୋଟିଏ ବି ସରକାରୀ କାର୍ଯ୍ୟାଳୟ ଦୁଆର ମାଡ଼ି ନାହିଁ ଶ୍ରମ ବିଭାଗ । ଏକାଧିକ ସରକାରୀ କାର୍ଯ୍ୟଳୟରେ ନାମ ଫଳକ ଓଡିଆ ଭାଷାରେ ଲେଖାଯାଇନାହିଁ