ଭୁବନେଶ୍ୱର,୧୭/୧୦: ଗତ ରାତିରେ ପ୍ରେମିକା ସହ ହୋଇଥିଲା ଝଗଡ଼ା । ଧମକ ଦେଇଥିଲେ ଗାର୍ଲଫ୍ରେଣ୍ଡଙ୍କ ମା । ଅସହ୍ୟ ହେଲା ନିର୍ଯାତନା । ଟ୍ରେନ୍ ଆଗକୁ ଡେଇଁ ଜୀବନ ହାରିଲେ ପ୍ରେମିକ । ସରକନ୍ତରା ବାହାଦଲପୁର ରେଲୱେ କ୍ରସିଙ୍ଗ ନିକଟରେ ମିଳିଲା ଯୁବକଙ୍କ ମୃତଦେହ । ଖଣ୍ଡବିଖଣ୍ଡିତ ମୃତଦେହ ଉଦ୍ଧାର କରି କ୍ୟାପିଟାଲ ହସ୍ପିଟାଲ ଆଣିଲା ଜିଆରପି ପୋଲିସ । ମୃତକ ଡୁମଡୁମା ଅଞ୍ଚଳର ନିରଞ୍ଜନ ସାହୁ (୨୩) ବୋଲି ଜଣାପଡ଼ିଛି । ରାଜଧାନୀ ଭୁବନେଶ୍ୱରରେ ଏଭଳି ଅଘଟଣ ଘଟିଛି । 

ସୂଚନା ମୁତାବକ, ବୁଧବାର ରାତିରେ ବାନ୍ଧବୀଙ୍କ ସହ କୌଣସି କାରଣରୁ ବଚସା ହୋଇଥିଲା । ପରେ ଗାର୍ଲଫ୍ରେଣ୍ଡଙ୍କ ପରିବାର ଲୋକ ଆସି ନିରଞ୍ଜନଙ୍କ ଘର ସାମ୍ନାରେ ଝଗଡ଼ା କରିଥିଲେ । ଏହା ସହ ଜୀବନରୁ ମାରି ଦେବାକୁ ମଧ୍ୟ ଧମକ ଦେଇଥିଲେ । ଏଥିରେ ଚିନ୍ତିତ ହୋଇ ବୁଧବାର ରାତିରେ ନିରଞ୍ଜନ ଘରୁ ପଳାଇ ଥିଲେ । ତେବେ ଗୁରୁବାର ଯୁବକଙ୍କ ଖଣ୍ଡବିଖଣ୍ଡିତ ମୃତଦେହ ସରକନ୍ତରା ବାହାଦଲପୁର ରେଲୱେ କ୍ରସିଙ୍ଗ ନିକଟରେ ଦେଖିବାକୁ ପାଇଥିଲେ ସ୍ଥାନୀୟଲୋକେ । ଏହା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ଜିଆରପି ପୋଲିସ ପହଞ୍ଚି ଶୁବକଙ୍କ ମୃତଦେହ ଉଦ୍ଧାର କରି କ୍ୟାପିଟାଲ ହସ୍ପିଟାଲ ଆଣିଛି । ଅନ୍ୟପଟେ ପ୍ରେମ ସମ୍ପର୍କରୁ ହତ୍ୟା ହୋଇଥିବା ନେଇ ଅଭିଯୋଗ ଆଣିଛନ୍ତି ଯୁବକଙ୍କ ପରିବାର ଲୋକେ ।