ନୂଆଦିଲ୍ଲୀ,୩୦/୦୮: ବର୍ଦ୍ଧିତ ମୁଦ୍ରାସ୍ଫୀତିକୁ ନିୟନ୍ତ୍ରଣ କରିବା ଏବଂ ଘରୋଇ ବଜାରର ଚାହିଦା ପୂରଣ ପାଇଁ ଚାଉଳର ପର୍ଯ୍ୟାପ୍ତ ଉପଲବ୍ଧତାକୁ ସୁନିଶ୍ଚିତ କରିବା ପାଇଁ ଭାରତ ସରକାର ଜୁନ୍ ମାସରୁ ଚାଉଳ ରପ୍ତାନି ଉପରେ ଅନେକ ପ୍ରତିବନ୍ଧକ ଲଗାଇଛନ୍ତି। ଗତ ସପ୍ତାହରେ ସରକାର ବାସୁମତି ଚାଉଳ ରପ୍ତାନି ଉପରେ ଏକ ନୂତନ ନିଷେଧାଦେଶ ଘୋଷଣା କରିଥିଲେ। ତେବେ ଏହାରି ଭିତରେ ସରକାର ସିଙ୍ଗାପୁରକୁ ସ୍ୱତନ୍ତ୍ର ସୁବିଧା ଦେବା ଏବଂ ପ୍ରତିବନ୍ଧକରୁ ମୁକ୍ତ କରିବାକୁ ନିଷ୍ପତ୍ତି ନେଇଛନ୍ତି।
ଏ ସମ୍ପର୍କରେ ବିଦେଶ ମନ୍ତ୍ରାଳୟ ପକ୍ଷରୁ ଜାରୀ କରାଯାଇଥିବା ଏକ ତାଜା ଅପଡେଟ୍ରେ କୁହାଯାଇଛି ଯେ, ସିଙ୍ଗାପୁର ସହିତ ସୁସମ୍ପର୍କକୁ ନଜରରେ ରଖି ଭାରତ ଏହାକୁ ଚାଉଳ ରପ୍ତାନୀ କରିବାକୁ ନିଷ୍ପତ୍ତି ନେଇଛି।ଯାହାଫଳରେ ସିଙ୍ଗାପୁରର ଖାଦ୍ୟ ସୁରକ୍ଷା ଆବଶ୍ୟକତା ପୂରଣ ହୋଇପାରିବ ବୋଲି ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି। ମଙ୍ଗଳବାର ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚିଙ୍କୁ ଏ ବିଷୟରେ ପ୍ରଶ୍ନ ପଚରାଯାଇଥିଲା। ଏ ସମ୍ପର୍କରେ ଖୁବ ଶୀଘ୍ର ଆନୁଷ୍ଠାନିକ ନିର୍ଦ୍ଦେଶ ଜାରି କରାଯିବ ବୋଲି ସେ କହିଛନ୍ତି।
ମୁଖପାତ୍ର କହିଛନ୍ତି ଯେ ଦୁଇ ଦେଶର ଗଭୀର ରଣନୀତିକ ଭାଗିଦାରୀ ରହିଛି ଏବଂ ଅର୍ଥନୈତିକ ସମ୍ପର୍କ ମଧ୍ୟ ଗଭୀର ଅଟେ। ଉଭୟ ଦେଶର ସ୍ୱାର୍ଥ ପରସ୍ପର ସହ ନିବିଡ଼ ଭାବରେ ଜଡ଼ିତ ଏବଂ ଦୁଇ ଦେଶ ମଧ୍ୟରେ ଲୋକଙ୍କ ସମ୍ପର୍କ ମଧ୍ୟ ଭଲ ଅଟେ। ଏହି ବିଶେଷ ସମ୍ପର୍କକୁ ଧ୍ୟାନରେ ରଖି ଭାରତ ଖାଦ୍ୟ ସୁରକ୍ଷା ଆବଶ୍ୟକତାକୁ ପୂରଣ କରିବା ପାଇଁ ସିଙ୍ଗାପୁରକୁ ଚାଉଳ ରପ୍ତାନି କରିବାକୁ ନିଷ୍ପତ୍ତି ନେଇଛି।
You can also read: