ନୂଆଦିଲ୍ଲୀ୦୩/୧୧: ସହର ହଜିଯିବା କଥା କେବେ ଶୁଣିଛନ୍ତି କି । ଏହା ତ କୌଣସି ଜିନିଷ ନୁହେଁ ଯେ ହଜିଯିବ । ଆପଣଙ୍କୁ ହୁଏତ ଏ ଖବର ଚକିତ କରିପାରେ । ଜାଣି ଆଶ୍ଚର୍ୟ୍ୟ ହେବେ ବର୍ଷ ବର୍ଷ ହେବ ଏକ ସହର ପାଣି ତଳେ ବୁଡି ରହିଛି । ୯ ୫୦୦ ବର୍ଷ ପୁରୁଣା ସହର ୧୨୦ ଫୁଟ ପାଣି ତଳେ ହଜି ଯାଇଛି । ଯାହା ଇତିହାସକୁ ଚ୍ୟାଲେଞ୍ଜ ଦେଉଛି । ଗୁଜୁରାଟ ଖମ୍ବାତର ଏକ ସହର ଗଭୀର ଜଳ ତଳେ ରହିଥିବା ଜଣାପଡିଛି । ୨୦୦୨ରେ ଏହି ସହର ପତ୍ତା ମିଳିଛି । ସମୁଦ୍ର ଗର୍ଭରେ   ସହରଟି କିପରି ହଜିଲା ତାର କାରଣ ରହସ୍ୟମୟ ହୋଇ ରହିଛି ।

୧୨୦ ଫୁଟ ପାଣି ତଳେ ଥିବା ଏହି ବିଶାଳ ସହର ଆମ ପ୍ରାଚୀନ ସଭ୍ୟତାର କାହାଣୀ କହୁଛି । ସହରର ଠିକଣା ମିଳିବା ପରେ ସେଠାରୁ ପୁରୁଣା ପାତ୍ର, ମୋତି, ମଣିଷ କଙ୍କାଳ ଉଦ୍ଧାର ହୋଇଛି । ମିଳିଥିବା କଙ୍କାଳ ୯୫୦୦ ବର୍ଷ ପୁରୁଣା ହୋଇଥିବା ପରୀକ୍ଷାରୁ ଜଣାପଡିଛି । ୨୦ ବର୍ଷ ହେବ ଜଳମଗ୍ନ ସହରର ଉତ୍ପତି ନେଇ ଭୂତ୍ତ୍ବବିଜ୍ଞାନୀଙ୍କ ମଧ୍ୟରେ ଯୁକ୍ତିତର୍କ ଜାରି ରହିଛି ।

ଚଳଚ୍ଚିତ୍ର ନିର୍ମାତା ଗ୍ରାହମ ହେନକାକ ଦାବି କରିଛନ୍ତି ଯେ, ସନ୍ଧାନ ମିଳିଥିବା ଏହି ସହର ପୁଣି ଇତିହାସ ଲେଖିପାରିବ । ଏହା ପ୍ରାଚୀନ ସଭ୍ୟତା ପାଇଁ ଆମ ସମୟକୁ ଚ୍ୟାଲେଞ୍ଜ ଦେଉଛି ଯାହା ଲୁଚି ରହିଥିବା ଅଧ୍ୟାୟକୁ ଇସାରା ଦେଉଛି ।