ଭୁବନେଶ୍ୱର ୨୦/୦୩: ପିଲାଙ୍କ ଭବିଷ୍ୟତ ସହିତ ସାଙ୍ଘାତିକ ଖେଳ। ପରୀକ୍ଷା ପୂର୍ବରୁ ୟୁଟ୍ୟୁବରେ ଘୂରି ବୁଲୁଛି ପ୍ରଶ୍ନପତ୍ର । ଆଜି ସପ୍ତମ ଓ ଅଷ୍ଟମ ଶ୍ରେଣୀର ଭୂଗୋଳ ପରୀକ୍ଷା ଚାଲିଥିବା ବେଳେ ଗତକାଲିଠାରୁ ଏହା ୟୁଟ୍ୟୁବରେ ଅପଲୋଡ଼ ହୋଇ ପ୍ରଶ୍ନପତ୍ର ଭାଇରାଲ ହେଉଛି। ଏଠି କେବଳ ପ୍ରଶ୍ନ ନୁହେଁ ଉତ୍ତର ମଧ୍ୟ ମିଳି ଯାଉଛି । ତେଣୁ ବହି ପଢିବା ବଦଳରେ ୟୁଟ୍ୟୁବ ଦେଖି ପରୀକ୍ଷାରେ ଲେଖୁଛନ୍ତି ଛାତ୍ରଛାତ୍ରୀ । ତେଣୁ ପିଲାମାନଙ୍କର ଭବିଷ୍ୟତ ନେଇ ଚିନ୍ତାରେ ପଡି ଯାଇଛନ୍ତି ଅଭିଭାବକ।
ସେହିପରି ଅନ୍ୟ ଦିନର ସମସ୍ତ ବିଷୟ ମଧ୍ୟ ୟୁଟ୍ୟୁବରେ ଉପଲବ୍ଧ ରହିଛି । ତେଣୁ ପିଲା ମାନଙ୍କର ଭବିଷ୍ୟତ ନେଇ ଚିନ୍ତାରେ ପଡି ଯାଇଛନ୍ତି ଅଭିଭାବକ । ଶିକ୍ଷାକୁ ତୃଣମୁଳ ସ୍ତରରୁ ସୁଦୃଢ କରିବା ପାଇଁ ସରକାର ଛାତ୍ରଛାତ୍ରୀମାନଙ୍କ ପାଇଁ ବିଭିନ୍ନ ପଦକ୍ଷେପ ନେଉଛନ୍ତି । ମାତ୍ର କିଛି ଅସାଧୁ କର୍ମଚାରୀ ଏବଂ ୟୁଟ୍ୟୁବରଙ୍କ ପାଇଁ ରାଜ୍ୟରେ ଭୁଶୁଡିବାକୁ ବସିଛି ଶିକ୍ଷା ବ୍ୟବସ୍ଥା । ଆଉ ଅନ୍ଧାର ଭିତରକୁ ଠେଲି ହୋଇ ଯାଉଛି ଛାତ୍ରଛାତ୍ରୀଙ୍କ ଭବିଷ୍ୟତ ।
