ବୋରିଗୁମ୍ମା,୩।୪ : ବୋରିଗୁମ୍ମା କୁପିଆ ଗାଁରେ ଠାକୁରାଣୀ ଯାତ୍ରା ଚାଲିଥିବା ବେଳେ ମହୁମାଛି ଆକ୍ରମଣ । ଏଥିରେ ୮ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୨ ଜଣଙ୍କ ଗୁରୁତର ଅବସ୍ଥା ରହିଛି।
ବୋରିଗୁମ୍ମା କୁପିଆ ଗାଁରେ ଠାକୁରାଣୀ ଯାତ୍ରା ଚାଲିଥିଲା ଆଖପାଖ ଅଞ୍ଚଳର ଶହ ଶହ ଶ୍ରଦ୍ଧାଳୁଙ୍କ ଭିଡ଼ ଜମିଥିଲା। ସେହି ସମୟରେ ଏକ ପୁରୁଣା ଗଛରେ ମହୁଫେଣା ରହିଥିଲା । ହଠାତ ମହୁମାଛି ଆସି ଲୋକଙ୍କୁ ଆକ୍ରମଣ କଲେ । ଯିଏ ଯୁଆଡେ ଚାହିଁଲେ ପ୍ରାଣ ବିକଳରେ ଦୌଡ଼ିବାକୁ ଲାଗିଲେ। ସେଥିମଧ୍ୟରୁ ୮ ଆହତ ହୋଇଛନ୍ତି। ସମସ୍ତଙ୍କୁ ବୋରିଗୁମ୍ମା ମେଡ଼ିକାଲରେ ଭର୍ତ୍ତି କରାଯାଇଛି। ସେଥିମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ଥିବା ଯୋଗୁଁ ଡାକ୍ତର ତାଙ୍କୁ ଜୟପୁର ଜିଲ୍ଲା ମେଡ଼ିକାଲକୁ ସ୍ଥାନାନ୍ତରିତ କରିଛନ୍ତି।