ନୂଆଦିଲ୍ଲୀ,୦୬/୧୨: ଭୂକମ୍ପ ଝଟକାରେ ଥରିଲା ଆମେରିକାର କାଲିଫର୍ଣ୍ଣିଆ । ଉତ୍ତର କାଲିଫର୍ଣ୍ଣିଆରେ ବଡ ଧରଣର ଭୂକମ୍ପ ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୭.୦ ରେକର୍ଡ ହୋଇଛି । ସୁନାମୀ ଆଲର୍ଟ ଜାରି ହୋଇଥିବା ସୂଚନା ମିଳିଛି । ୟୁନାଇଟେଡ୍ ଷ୍ଟେଟ ଜିଓଲୋଜିକାଲ ସର୍ଭେ ଭୂକମ୍ପ ନେଇ ସୂଚନା ଦେଇଛି ।
ଆମେରିକାର ଉତ୍ତର କାର୍ଲିଫର୍ଣ୍ଣିଆରେ ବଡ ଧରଣର ଭୂକମ୍ପ ଝଟକା ଅନୁଭୂତ ହୋଇଛି । ୟୁଏସଜିଏସ ଅନୁଯାୟୀ କାର୍ଲିଫର୍ଣ୍ଣିଆର କେପ୍ ମେଣ୍ଡୋକିନୋ ଉପକୂଳରେ ଭୂକମ୍ପ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୭.୦ ରେକର୍ଡ କରାଯାଇଛି । ଆମେରିକା ସମୟ ସକାଳ ୧୦ଟା୪୪ରେ ଭୂକମ୍ପ ହୋଇଥିଲା । ଏହାର କେନ୍ଦ୍ର ଫନଡେଲଠାରୁ ପ୍ରାୟ ୧୦୦ କିମି ଦକ୍ଷିଣ ପଶ୍ଚିମ ଥିଲା । ଏହି ବଡ ଧରଣର ଭୂକମ୍ପ ପରେ ସୁନାମୀ ଆଲର୍ଟ ଜାରି ହୋଇଛି । ରିପୋର୍ଟ ଲେଖାଯିବା ସୁଦ୍ଧା ମୃତାହତ କିମ୍ବା କ୍ଷୟକ୍ଷତିର ସୂଚନା ମିଳିନଥିଲା । ମାତ୍ର ୭.୦ ତୀବ୍ରତାର ଭୂକମ୍ପ ପରେ କ୍ଷତିକ୍ଷତି ହୋଇଥିବା ନେଇ ନେଇ ଅନୁମାନ କରାଯାଉଛି ।
ଭୂକମ୍ପ ସମୟର ଭିଡିଓ ସୋସିଆଲ ମିଡିଆରେ ଦେଖିବାକୁ ମିଳିଛି । ଭୂକମ୍ପ ପ୍ରଭାବରେ ଘରର ଆବାସପତ୍ର ଥରିବାକୁ ଲାଗିଥିଲା । ଲୋକମାନେ ଭୟରେ ଦୌଡିବାକୁ ଲାଗିଥିଲେ । ଭୂକମ୍ପର ଗଭୀରତା ୧୦୦ କିମି ରହିଥିଲା । ପଶ୍ଚିମ-ଦକ୍ଷିଣ ପଶ୍ଚିମରେ ୧୦ କିମି ଗଭୀରତା ରହିଥିଲା । ୭.୦ ତୀବ୍ରତା ଭୂକମ୍ପ ନେଇ ସମୁଦ୍ରରେ ସୁନାମୀ ଆସିବା ଅନୁମାନ କରାଯାଉଛି । ଭୂକମ୍ପର କେନ୍ଦ୍ରସ୍ଥଳ ଭୂମିଠାରୁ ୧୦ କିମି ତଳେ ଥିଲା । ମେଣ୍ଡୋକିନୋ ଟ୍ରିପର ଜଙ୍କସନରେ ଏହି ଭୂକମ୍ପ ଘଟିଛି ଯେଉଁଠାରେ ପ୍ରଶାନ୍ତ, ଉତ୍ତର ଆମେରିକା ଏବଂ ଜୁଆନ ଡି ଫୁକା ମିଳିତ ହୋଇଛି । ମେଣ୍ଡୋକିନୋ ଫ୍ରାକଚର ଜୋନରେ ଷ୍ଟ୍ରାଇକ-ସ୍ଲିପ ତ୍ରୁଟି ଯୋଗୁଁ ଏହା ଘଟିଥିବା ଜଣାପଡିଛି । ସୁମଦ୍ର ଏ ନେଇ ଚେତାବନୀ ଜାରି ହୋଇଥିଲା । ମାତ୍ର ପରବର୍ତ୍ତୀ ସମୟରେ ଏହାକୁ ପ୍ରତ୍ୟାହାର କରି ନିଆଯାଇଥିଲା ।
