ବାରିପଦା,୧୫/୦୧: ୪ଜଣ ହାର୍ଡ କୋର୍ ଶିକାରୀଙ୍କୁ ଗିରଫ କରିବାରେ ସକ୍ଷମ ହେଲା ଶିମିଳିପାଳ ଦକ୍ଷିଣ ବନ୍ୟ ପ୍ରାଣୀ ଡିଭିଜନ ସହିତ ଷ୍ଟେଟ ଲେବଲ ଜେ ଟି ଏଫ ଟିମ । ଶିମିଳିପାଳ ଅଭୟାରଣ୍ୟରେ ଶିକାର କରି ବେଆଇନ ଭାବେ ବନ୍ୟଜନ୍ତୁ କାରବାରରେ ସଂପୃକ୍ତ ଥିବା ଏହି ୪ ଅପରାଧୀ ହେଲେ ବାରିପଦା ବନଖଣ୍ଡ ତଥା ଉଦଳା ଥାନା ଅନ୍ତର୍ଗତ ଅଜମ୍ବର ନାଇକ ଓରଫ ଫାତୁ, ପିତାମ୍ବର ନାଏକ ଓରଫ ଡାକ୍ତର, ରାମ ନାଏକ ଓରଫ ଥାଲୁ । ଏମାନେ ସମସ୍ତେ ତେନ୍ତଳା ଗ୍ରାମର ହୋଇଥିବା ବେଳେ ବୈରାମ ମୁର୍ମୁ ଓରଫ ଦୁବେଇ ବାବା ର ଘର ଉଦଳା ଥାନା ଅର୍ନ୍ତଗତ ପାଟଶାଣୀ ପୁର ନିକଟ ବାଲି ଘାଟ ଗ୍ରାମରେ । ସମସ୍ତ ଅଭିଯୁକ୍ତ ଅପରାଧୀଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ଏହି ଘଟଣା ମାଷ୍ଟର ମାଇଣ୍ଡ କୁହାଯାଉଥିବା ଅନ୍ୟ ଜଣେ ଶିକାରୀ ଫେରାର ଥିବା ସୂଚନା ମିଳିଛି। 

ସୂଚନା ମୁତାବକ, ୪ ଜଣ ଶିକାରୀଙ୍କୁ ଗିରଫ କରିବାରେ ସକ୍ଷମ ହେଲା ଶିମିଳିପାଳ ଦକ୍ଷିଣ ବନ୍ୟ ପ୍ରାଣୀ ଡିଭିଜନ ସହିତ ଷ୍ଟେଟ ଲେବଲ ଜେ ଟି ଏଫ ଟିମ । ସେମାନଙ୍କ ନିକଟରୁ ଗୋଟିଏ ବାଘ ଛୁଆର ଚମଡା, ନଖ ଜବତ ହୋଇଛି । ଏହି ଶିକାରୀ ମାନଙ୍କୁ ଧରିବାରେ ଶିମିଳିପାଳ ଟିମ୍ ସହିତ ରାଜ୍ୟ ସ୍ତରୀୟ ଜଏଣ୍ଟ ଟାସ୍କ ଫୋର୍ସ ଟିମ ସହାୟତା କରିଥିଲା । ତେବେ ସମସ୍ତ ଶିକାରୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇ କରାଯାଇଛି । ଶିମିଳିପାଳ ଦକ୍ଷିଣ ବନ୍ୟ ପ୍ରାଣୀ ଡିଭିଜନର ସ୍ପେଶଲ୍ ଏନ୍ଫୋର୍ସମେଣ୍ଟ ଉଇଙ୍ଗ ଏହି ଘଟଣାର ଅଧିକ ତଦନ୍ତ ଜାରି ରଖିଛି l