ଜଳେଶ୍ବର୩।୨ : ୩୪୫ ଗ୍ରାମ ବ୍ରାଉନସୁଗାର ଜବତ କରିବା ସହିତ ଆନ୍ତଃରାଜ୍ୟ ବ୍ରାଉନସୁଗାର ମାଫିଆକୁ ଗିରଫ କରିଛି ଜଳେଶ୍ବର ପୋଲିସ। ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୩୪ଲକ୍ଷ ୫୦ ହଜାର ଟଙ୍କା । ଗିରଫ ଅଭିଯୁକ୍ତ ଜଣକ ହେଲେ ଟାକଲୁ ରାଜା ଔରଫ ସମିରୁଦ୍ଦିନ ବୋଲି ବାଲେଶ୍ବର ଏସପି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।
ଜଳେଶ୍ୱର ଥାନା ଝାଡ଼େଶ୍ୱରପୁର ଅଞ୍ଚଳର ଆନ୍ତଃରାଜ୍ୟ ବ୍ରାଉନସୁଗାର ବେପାରୀ ଟାକଲୁ ରାଜା ଔରଫ ସମିରୁଦ୍ଦିନ ଦୀର୍ଘ ଦିନ ଧରି ବ୍ରାଉନସୁଗାର କାରବାର ଚଳାଇ ଆସୁଥିଲା । ତେବେ ରବିବାର ଅପରାହ୍ନରେ ପଶ୍ଚିମବଙ୍ଗ ଅଞ୍ଚଳରୁ ବ୍ରାଉନସୁଗାର ନେଇ ଜଳେଶ୍ୱର ଅଞ୍ଚଳକୁ ଆସିଥିଲା। ଜଳେଶ୍ୱର ପୋଲିସ କୌଣସି ସୂତ୍ରରୁ ଖବର ପାଇ ଝଡ଼େଶ୍ୱରପୁର ଅଞ୍ଚଳର ଏକ ହୋଟେଲରେ ଚଢ଼ାଉ କରି ତାକୁ ଧରିଥିଲା। ଟାକଲୁ ରାଜାକୁ ଗିରଫ କରିବା ସହ ତାଙ୍କ ନିକଟରୁ ୩୪୫ଗ୍ରାମ ବ୍ରାଉନ ସୁଗାର ଜବତ କରିଥିଲା। ଏଥି ସହ ନଗଦ ୩୮୦୦ ଟଙ୍କା, ଗୋଟେ ମୋବାଇଲ ଓ ଗୋଟିଏ ବାଇକ ଜବତ କରିଛି ପୋଲିସ।
ପୂର୍ଵରୁ ୨୦୨୦ ମସିହାରେ ୭ଟି ମାମଲା ଟାକଲୁ ବିରୋଧରେ ଥାନରେ ରୁଜୁ ହୋଇଥିଲା। ୨୦୨୧ରେ ସେ ଆତ୍ମ ସମର୍ପଣ କରିଥିଲା ୨୦୨୩ ମସିହାରେ ସେ ଜେଲରୁ ବାହାରି ଥିଲା। ସେ ପଡୋଶୀ ବାଂଲାଦେଶ ଓ ନେପାଳ, ଦୁବାଇରୁ ଧଳା ଜହର ଆାଣି କାରବାର କରୁ ଥିଲା । ଜଳେଶ୍ୱେର ଅଂଚଳରେ ତାହାର ଆନୁମାନିକ ୧୦ କୋଟି ଟଙ୍କାର ସମ୍ପତ୍ତି ଠାବ କରା ଯାଇଥିଲା। ଜଳେଶ୍ୱର ତହସିଲଦାରଙ୍କ ସହାୟତାରେ ଟାକଲୁ ରାଜାର ସମ୍ପତ୍ତି ବାଜ୍ୟାପ୍ତି ପାଇଁ ପକ୍ରିୟା ଚାଲୁ ଅଛି।
