ନୀଳଗିରି,୧/୨(ଆ.ପ୍ର): କାନ୍ଧରେ ଟଙ୍ଗା ଯାଇଛି ବ୍ୟାଗ ଓ ହାତରେ ତ୍ରିରଙ୍ଗା ପତାକା। ଦୁଇ ଯୁବକ ପାଦରେ ଚାଲି ଚାଲି କରୁଛନ୍ତି ଭାରତ ଭ୍ରମଣ।ବାଟରେ ଯେଉଁ ଦେବାଳୟ ପଡୁଛି ଯାଇ ଦର୍ଶନ କରି ଆଶିଷ କାମନା କରୁଛନ୍ତି।ଏଭଳି ଦେଢ଼ ବର୍ଷର ମିଶନ ନେଇ ବାହାରିଛନ୍ତି ପଶ୍ଚିମବଙ୍ଗ ମେଦିନୀପୁରର ବିଶ୍ବଜିତ ଦାସ ଓ କୈଳାସ ସରକାର।
ସେ ଗତ ମାସ ଜାନୁଆରି ୫ ତାରିଖ ଠାରୁ ପାଦରେ ଚାଲି ଚାଲି ଭାରତ ଭ୍ରମଣରେ ବାହାରିଛନ୍ତି। ସେ ପ୍ରଥମେ ପଶ୍ଚିମବଙ୍ଗ ନଦିଆରୁ ତାଙ୍କର ଯାତ୍ରା ଆରମ୍ଭ କରି କାନ୍ଧରେ ବ୍ୟାଗ ଓ ତ୍ରିରଙ୍ଗା ପତାକା ଧରି ଏହି ମିଶନରେ ବାହାରିଛନ୍ତି।ପାଦରେ ଚାଲି ଚାଲି ଭାରତର ୧୦ ଜ୍ୟୋର୍ତିଲିଙ୍ଗ ସମେତ ତିନି ଧାମର ଭ୍ରମଣ କରିବେ। ପଦଯାତ୍ରାର ଉଦ୍ଦେଶ୍ୟ ସନାତନ ଧର୍ମକୁ ଏକଜୁଟ ରଖିବା ଏବଂ ଜଙ୍ଗଲ ପରିବେଶକୁ ବଞ୍ଚାଇ ଲକ୍ଷ୍ୟ ବୋଲି କହିଛନ୍ତି। ଏହି କ୍ରମରେ ପଶ୍ଚିମବଙ୍ଗ, ପରେ ଓଡ଼ିଶାରେ ପହଞ୍ଚି ଜଳେଶ୍ବର ହୋଇ ଶନିବାର ସନ୍ଧ୍ୟା ସମୟରେ ନୀଳଗିରି ତୃତୀୟ ଶ୍ରୀକ୍ଷେତ୍ରରେ ତିନିଠାକୁରଙ୍କ ଦର୍ଶନ କରିଥିଲେ।ଏହାପରେ ଉତ୍ତର ଓଡିଶାର ପ୍ରସିଦ୍ଧ ଶୈବପୀଠ ପଞ୍ଚଲିଙ୍ଗେଶ୍ଵର ଶୈବପୀଠରେ ପାଞ୍ଚଲିଙ୍ଗଙ୍କୁ ପୂଜାର୍ଚ୍ଚନା କରି ଆଶିଷ ନେଇ ପୁରୀ ଅଭିମୁଖେ ବାହାରିବେ।ରାମେଶ୍ବରମ୍,ଦ୍ଵାରିକା,କନ୍ଯାକୁମାରୀ ବାଗେଶ୍ବର ଧାମ ଯାଇ ଦେଢବର୍ଷରେ ଏହି ମିଶନ ପୂରଣ କରିବା ସହ ରାସ୍ତାରେ ପରିବେଶ ଓ ସନାତନ ଧର୍ମର ସଚେତନ କରିବେ ବୋଲି ଜଣାପଡ଼ିଛି।
