ଜୁନାଗଡ଼,୧୯।୯ ଦିନକ ପରେ ପଶ୍ଟିମ୍ ଓଡ଼ିଶାର ଗଣ ପର୍ବ ନୂଆଁଖାଇ l ଗାଁ ଠାରୁ ସହର ସବୁଠି ଉତ୍ସବ ମୁଖର l କିନ୍ତୁ ଏଭଲିି ଖୁସିର ସମୟରେ ମଙ୍ଗଳବାର ଅପରାହ୍ନ ରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଯାଇଛି l ଏକ ଟ୍ରକ ଓ ଅଟୋ ମୁହାଁମୁହିଁ ଧକ୍କା ହେବାରୁ ୩ ଜଣଙ୍କ ମୃତ୍ୟୁ ଘଟିଛି । ଏଥିସହ ୬ ଜଣ ଗୁରୁତର ହୋଇଛନ୍ତି।
କଳାହାଣ୍ଡି ଜ଼ିଲ୍ଲା ଜୁନାଗଡ଼ ଥାନା ଅନ୍ତର୍ଗତ ଦାସିଗାଁ ନିକଟରେ ମଙ୍ଗଳବାର ଅପରାହ୍ନ ରେ ଏକ ଅଟୋ (ନଂ. OD08S9369)ଓ ଟ୍ରକ ( ନଂ CG 07C3496)ମଧ୍ୟରେ ମୁହାଁ ମୁହିଁ ଧକ୍କl ହୋଇଥିଲା। ଫଳରେ ଅଟୋ ରେ ବସିଥିବା ଥୁଆମୂଳ ରାମପୁର ବ୍ଲକ କାଠକୁରା ଗ୍ରାମର ଗୋଟିଏ ପରିବାର ର ପଦୁସର ନାଏକ,କୃଷ୍ଣଚନ୍ଦ୍ର ନାଏକ,ଅମୃତସର ନାଏକ,ସୁଷମା ନାଏକ,ମିଥୁନ ନାଏକ,ସୁଭଦ୍ରା ନାଏକ,ଚନ୍ଦୁ ନାଏକ,ସନ୍ଦିପ ନାଏକ,ସୁବର୍ଣ୍ଣ ନାଏକ ଗୁରୁତର ଆହତ ହୋଇଥିଲେ। ଗୁରୁତର ଅବସ୍ଥାରେ ସମସ୍ତ ଙ୍କୁ ପ୍ରଥମେ କଳମପୁର ଡାକ୍ତରଖାନା ରେ ଭର୍ତ୍ତି କରାଯାଇଥିଲା ଅବସ୍ଥା ସଂକଟାପନ୍ନ ହେବାରୁ ସମସ୍ତ ଙ୍କୁ ଭବାନୀପାଟଣା ଜ଼ିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଥିଲା। ହେଲେ ଏମାନଙ୍କ ମଧ୍ୟରୁ ପଦୁସର ନାଏକ (୫୦)ତାଙ୍କ ପୁଅ କୃଷ୍ଣଚନ୍ଦ୍ର ନାଏକ(୨୫) ଓ ଅମୃତସର ନାଏକ(୪୫) ଙ୍କ ଚିକିତ୍ସାଧିନ ଅବସ୍ଥା ରେ ମୃତ୍ୟୁ ହୋଇଥିବା ଜଣା ପଡିଛି l
ଦୁର୍ଘଟଣା ଘଟାଇ ଥିବା ଟ୍ରକ କୁ ପୋଲିସ ଜବତ କରିଥିବା ବେଳେ ଡ୍ରାଇଭର ଫେରାର ଥିବା ଜଣାପଡିଛି l ଜୁନାଗଡ଼ ଥାନା ଏସ. ଆଇ ଅଶୋକ ପ୍ରଧାନ ଓ ଚିଲଗୁଡା ଫାଣ୍ଡି ଅଧିକାରୀ ସୁବୋଧ ଫୁଲେ ଘଟଣା ତଦନ୍ତ କରୁଥିବା ଜଣାପଡିଛି l ସୂଚନାଯୋଗ୍ୟ ଯେ ଥୁଆମୂଳ ରାମପୁର ବ୍ଲକ ର କାଠକୁରା ଗ୍ରାମ ର ଗୋଟିଏ ପରିବାର ର ସଦସ୍ୟ ଅଟୋ ଯୋଗେ କୌଣସି ଏକ କାର୍ଯ୍ୟ ରେ ଧର୍ମଗଡ ବ୍ଲକ ଛିଲିପା ଗ୍ରାମ କୁ ଯାଉଥିବା ବେଳେ ଏହି ଦୁର୍ଘଟଣାଘଟିଥିବା ଜଣାପଡିଛି l
ଆହୁରି ପଢନ୍ତୁ : ମର୍ମନ୍ତୁଦ ଦୁର୍ଘଟଣା : କାର-ଆଇଚର ମୁହାଁମୁହିଁ ଧକ୍କା, ୪ ମୃତ