ବାଙ୍ଗିରିପୋଷି,୧୮/୧୨: ବାଙ୍ଗିରିପୋଷି ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥର ଦ୍ୱାରଶୁଣି ଘାଟି ରାସ୍ତାରେ ପୁଲିସ ଭ୍ୟାନ ଓ କଣ୍ଟେନର ଟ୍ରକ ମଧ୍ୟରେ ଘଟିଛି ଦୁର୍ଘଟଣା । ଫଳରେ ଭ୍ୟାନ ରେ ଥିବା ପ୍ରାୟ ୨୦ ପୁଲିସ କର୍ମଚାରୀ ଆହତ ହୋଇଛନ୍ତି । ଖବର ପାଇ ବାଙ୍ଗିରିପୋଷି ପୁଲିସ ଓ ଅଗ୍ନିଶମ କର୍ମଚାରୀ ଘଟଣା ସ୍ଥଳରେ ପହଂଚି ଆହତମାନଙ୍କୁ ଉଦ୍ଧାର କରି ବାଙ୍ଗିରିପୋଷି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଆଣିଥିଲେ । 

କରଞ୍ଜିଆ ରୁ ବାରିପଦା ଏକ  ପୋଲିସ ରିଜର୍ଭ  ଭ୍ୟାନ ଆସୁଥିଲା। ଦ୍ୱାରଶୁଣି ଘାଟି ପୋଲିସ ଭ୍ୟାନର ବ୍ରେକ ଫେଲ ହୋଇଯିବାରୁ ଏକ  କଣ୍ଟେନର ସହ  ମୁହାଁମୁହିଁ ଧକ୍କା ହୋଇଥିଲା। ଏଥିରେ ୨୦ ଜଣ ପୋଲିସ କର୍ମଚାରୀ ଆହତ ହୋଇଥିଲେ। ସମସ୍ତଙ୍କୁ ଉଦ୍ଧାର କରାଯାଇ  ବାଙ୍ଗିରିପୋଷି ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା କରାଯାଉଛି। ତେବେ ଆହତଙ୍କ ମଧ୍ୟରେ କେହି ଗୁରୁତର ନଥିବା ଜଣାପଡିଛି। ଆସନ୍ତା ୧୯ ତାରିଖ ବାରିପଦା ଠାରେ ୫ଟି ଓ ନବୀନ ଓଡ଼ିଶା ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କ ଗସ୍ତ କାର୍ଯ୍ୟକ୍ରମ ଥିବାରୁ ଏହି ପୁଲିସ କର୍ମଚାରୀ ମାନେ ସେଠାରେ ଯୋଗ ଦେବା ପାଇଁ ଯାଉଥିଲେ ।

ଆହୁରି ପଢନ୍ତୁ : ଜୟପୁର ବିଧାୟକ ତାରା ବାହିନୀପତିଙ୍କ ଫେସବୁକ ଆକାଉଣ୍ଟ ହ୍ୟାକ୍