ଦେବଗଡ,୧୭।୯: ଦେବଗଡ ଜିଲ୍ଲା  ରାଞ୍ଚି- ବିଜୟୱାଡା ରାସ୍ତାର ପୁଷପଙ୍ଗା ଗ୍ରାମ ନିକଟରେ   ମଙ୍ଗଳବାର  ମଟରସାଇକେଲ ଓ ସ୍କୁଟି ମୁହାଁମୁହିଁ ଧକ୍କା ହେବା ଫଳରେ ଦୁଇଜଣଙ୍କ ମୃତ୍ୟୁ ଘଟିଛି। ମୃତକ ଦୁଇଜଣ ହେଲେ ନିକଟସ୍ଥ ଭେଜିକୁଦର ଗ୍ରାମର ଜୟକୃଷ୍ଣ ଉଦାବର ଓ ଖିଲେଇ ଗ୍ରାମର ନନ୍ଦଲାଲ ବାଘ ।

ଜୟକୃଷ୍ଣ କୌଣସି କାର୍ଯ୍ୟରେ ଦେବଗଡ ଆସି ମଟରସାଇକେଲ ଯୋଗେ ଫେରୁ ଥିବା ବେଳେ ନନ୍ଦଲାଲ ଓ ଅନ୍ୟ ଦୁଇଜଣ ସ୍କୁଟି ଯୋଗେ ଖିଲେଇ ଗ୍ରାମରୁ ବୃନ୍ଦାବନପୁର ଅଭିମୁଖେ ଯାଉଥିଲେ। ପୁଷପଙ୍ଗା ଗ୍ରାମ ନିକଟରେ ଉଭୟ ଗାଡି ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଫଳରେ ଘଟଣାସ୍ଥଳରେ ଜୟକୃଷ୍ଣଙ୍କ ମୃତ୍ୟୁ ଘଟିଥିଲା।  ଅନ୍ୟ ତିନିଜଣ ଗୁରୁତର ଆହତଙ୍କୁ ଦେବଗଡ ଜିଲ୍ଲା ମୁଖ୍ୟ   ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସାଧିନ ଅବସ୍ଥାରେ ନନ୍ଦଲାଲଙ୍କ ମୃତ୍ୟୁ ହୋଇଛି। ଅନ୍ୟ ଦୁଇଜଣ ରୀନା ଖିଲାର ଓ ଝସକେତନ ଖିଲାରଙ୍କୁ ଦେବଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।