ଦେବଗଡ,୩୦।୫ : ରାଞ୍ଚି-ବିଜୟୱାଡା ରାସ୍ତାର ବାଘବର ନିକଟରେ ଏକ ବାଇକକୁ ଟ୍ରକ ଧକ୍କା ଦେବାରୁ ପୁଅର ମୃତ୍ୟୁ ହୋଇଥିବା ବେଳେ ବାପା ଆହତ ହୋଇଛି । ମୃତକ ହେଲେ ନିକଟସ୍ଥ ଆମ୍ବଖୋଳ ଗ୍ରାମର ମୁକେଶ ପ୍ରଧାନ (୧୮) ।
ମୁକେଶ ତାଙ୍କ ବାପା ଭାଗ୍ୟରଥୀ ପ୍ରଧାନଙ୍କ ସହ କୌଣସି କାର୍ଯ୍ୟ ରେ ମଟରସାଇକଲ ଯୋଗେ ବାଘବର ଗ୍ରାମ କୁ ଆସି ଘରକୁ ଫେରୁଥିଲେ। ଏହି ସମୟରେ ଏକ ଟ୍ରକ ସେମାନଙ୍କ ବାଇକକୁ ଧକ୍କା ଦେଇଥିଲା। ଗୁରୁତର ଅବସ୍ଥାରେ ଉଭୟଙ୍କୁ ଛେଣ୍ଡିପଦା ଡାକ୍ତରଖାନାକୁ ସ୍ଥାନାନ୍ତରିତ କରାଯାଉଥିବା ବେଳେ ରାସ୍ତା ରେ ମୁକେଶ ଙ୍କ ମୃତ୍ୟୁ ଘଟିଥିଲା। ବାପା ଭାଗ୍ୟରଥୀ ଙ୍କୁ ଛେଣ୍ଡିପଦା ଡାକ୍ତରଖାନାରେ ଚିକିତ୍ସା କରାଯାଇଛି । ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତ୍ୟକ୍ତ ଲୋକ ରାସ୍ତାରୋକ କରିଥିବା ବେଳେ କୁଣ୍ଢେଇଗୋଳା ଥାନା ପୋଲିସ ପହଞ୍ଚି ବୁଝାସୁଝା କରୁଛନ୍ତି । ଲୋକମାନେ ଏହି ରାସ୍ତାରେ ଦିନ ବେଳେ ଭାରିଯାନ ଚଳାଚଳ ବନ୍ଦ କରାଯିବା ସହ ମୃତକ ଙ୍କ ପରିବାର କୁ କ୍ଷତିପୂରଣ ଯୋଗାଇ ଦେବା ପାଇଁ ଦାବି କରିଛନ୍ତି ।
ଆହୁରି ପଢନ୍ତୁ : ବଜ୍ରପାତ: ବାଇକ ଉପରେ ଟଳି ପଡିଲେ ଯୁବକ