ମ.ରାମପୁର, ୬/୬ : କଳାହାଣ୍ଡି ଜିଲ୍ଲା ମ.ରାମପୁର ଥାନା ଅନ୍ତର୍ଗତ କେନ୍ଦୁବନ୍ଧ ଛକ ଠାରେ ଗୁରୁବାର ସକାଳେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ବାପାଙ୍କ ମୃତ୍ୟୁ ହେଇଥିବା ବେଳେ ପୁଅ ଆହତ ହୋଇଛନ୍ତି। ଅନ୍ୟଜଣେ ଗୁରୁତର ହେଇଥିବା ଜଣାପଡ଼ିଛି।
ସୂଚନା ମୁତାବକ, ଗୁରୁବାର ସକାଳୁ ମ.ରାମପୁର ଦେଇ ଯାଇଥିବା ରାୟପୁର-ଗୋପାଳପୁର ୫୯ନଂ ଜାତୀୟ ରାଜପଥର କେନ୍ଦୁବନ୍ଧ ଛକଠାରେ ମର୍ମନ୍ତୁଦ ଦୁର୍ଘଟଣା ଘଟିଛି। ମ.ରାମପୁର ପଟରୁ ନୂଆପଡ଼ା ଜିଲ୍ଲା କୋମନା ବ୍ଲକ ଟିକ୍ରାପଡ଼ା ପଞ୍ଚାୟତ ଜେଠୁ ପାଲିଗ୍ରାମର ଯଉବନ ତାଣ୍ଡି (୫୦ ବର୍ଷ), ଆହତ ପୁଅ ରାଜୀବ ତାଣ୍ଡି, ଓ ଭାଗିରଥି ଜାଲ ବାଇକ୍ ଯୋଗେ ଯାଉଥିଲେ। ଏହି ସମୟରେ ବିପରୀତ ଦିଗରୁ ଆସୁଥିବା ବିପରୀତ ଦିଗରୁ କର୍ଲାମୁଣ୍ଡା ବ୍ଲକ କଣ୍ଡରେଇ ଗ୍ରାମର ପରମାନନ୍ଦ ଭୋଇ ଓ ନରେଶ ଚନ୍ଦନ(୨୭ ବର୍ଷ)ଙ୍କ ବାଇକ୍ ସହ ସାମ୍ନାସାମ୍ନି ଧକ୍କା ହୋଇଥିଲେ। ଫଳରେ ଘଟଣାସ୍ଥଳରେ ବାପାଙ୍କ ମୃତ୍ୟୁ ହୋଇଥିବା ବେଳେ ପୁଅ ଓ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି।
ସ୍ଥାନୀୟ ଲୋକେ ସମସ୍ତଙ୍କୁ ଉଦ୍ଧାର କରି ସ୍ଥାନୀୟ ଲୋକେ ମ.ରାମପୁର ଡାକ୍ତରଖାନା ଆଣି ଭର୍ତ୍ତି କରିଥିଲେ । ତେବେ ଘଟଣା ସ୍ଥଳରେ ହିଁ ନୂଆପଡା ଜିଲ୍ଲାର ଯେଠୁ ପାଲି ଗ୍ରାମର ଯଉବନଙ୍କ ମୃତ୍ୟୁ ହୋଇଛି। ପୁଅ ଓ ଅନ୍ୟଜଣେ ଗୁରୁତର ଆହତ ପରମାନନ୍ଦ ଭୋଇଙ୍କୁ ପ୍ରଥମେ ମ.ରାମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଆଣି ଏଠାରୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଅନ୍ୟ ଆହତମାନଙ୍କୁ ମ.ରାମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯାଉଥିବା ବେଳେ ମୃତକଙ୍କ ଗାଁକୁ ଖବର ଦିଆଯାଇଛି । ଶବ ବ୍ୟବଚ୍ଛେଦ ପରେ ପରିବାରବର୍ଗଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି। ମ.ରାମପୁର ପୁଲିସ ଏକ ମାମଲା ରୁଜ୍ଜୁ କରି ଘଟଣାର ତଦନ୍ତ ଚଳାଇଛି।