ଝାରସୁଗୁଡା,୨।୭ ମୁକ ବଧିର ଅଭିନୟ କରି ଲୋକଙ୍କ ଘରୁ ଚୋରୀ କରୁଥିବା ୨ ଜଣ ଅଭିଯୁକ୍ତଙ୍କୁ ଗିରଫ କରିଛି ଝାରସୁଗୁଡା ପୋଲିସ l ଅଭିଯୁକ୍ତମାନେ ତାମିଲନାଡୁ ରାଜ୍ୟ ନେଲ୍ଲୋର ଜିଲ୍ଲାର ମହେନ୍ଦ୍ର ଭେଙ୍କଟ ରମଣ ଏବଂ ପ୍ରକାଶ ଭେଙ୍କଟେଶ l ଅଭିଯୁକ୍ତମାନଙ୍କ ନିକଟରୁ୨ ଟି ଲାପଟପ ଏବଂ ୨୨ ଟି ମୋବାଇଲ ପୋଲିସ ଜବତ କରିଛି l ଏହି ଅଭିଯୁକ୍ତମାନେ ଗତ ୨ ସପ୍ତାହ ପୂର୍ବେ ଝାରସୁଗୁଡା ଆସିଥିବାବେଳେ ପୂର୍ବରୁ ପଡୋଶୀ ଛତିଶଗଡ, କର୍ଣ୍ଣାଟକ ପରି ରାଜ୍ୟରେ ଚୋରୀ କାର୍ଯ୍ୟକଳାପରେ ସମ୍ପୃକ୍ତ ଥିବା ଜଣାପଡିଛି l ମୁକ ବଧିର ସାର୍ଟିଫିକେଟ ଦେଖାଇ ଲୋକଙ୍କ ବିଶ୍ୱାସ ଭାଜନ ହେବା ପରେ ସେମାନଙ୍କ ଘରେ କଳା କନା ବୁଲାଉଥିଲେ ଅଭିଯୁକ୍ତ l
ଗତ ୨୮ ତାରିଖରେ ଝାରସୁଗୁଡାର ସୋମନାଥ ମାହାତୋଙ୍କ ଘରୁ ଚୋରୀ ହେବା ପରେ ସେ ଝାରସୁଗୁଡା ଟାଉନ ଥାନାରେ ଅଭିଯୋଗ କରିଥିଲେ l ପୋଲିସ ଏହି ଘଟଣାର ତଦନ୍ତ କରି ଅଭିଯୁକ୍ତ ମାନଂକୁ ଝାରସୁଗୁଡା ଧର୍ମଶାଳାରୁ ଗିରଫ କରିବାସହ କୋର୍ଟ ଚାଲାଣ କରିଛି l