ମାଲକାନଗିରି,୭।୯(ଆପ୍ର ): ମାଲକାନଗିରି ଜିଲ୍ଲାର ବିଭିନ୍ନ ସ୍ଥାନରେ ଆଡ଼ମ୍ବର ସହକାରେ ଗଣେଶଙ୍କ ପୂଜା ପାଳିତ ହୋଇଯାଇଛି। ଜିଲ୍ଲା ସଦର ମହକୁମାରେ ବିଭିନ୍ନ ଅନୁଷ୍ଠାନ ତରଫରୁ ଧୁମଧାମରେ ଶ୍ରୀ ବିଘ୍ନରାଜଙ୍କ ପ୍ରତିମା ପୂଜା କରାଯାଇଛି । ସଦର ମହକୁମାରେ ପ୍ରାୟ ୫୦ଟି ସ୍ଥାନରେ ଏହି ପୂଜା  ଆୟୋଜିତ ହୋଇଛି। 

ସୁବାଷ ବୋଷ ଛକ ଟାଉନ କ୍ଳବରେ ୧୮ ଫୁଟ ଉଚ୍ଚତାର ଗଣେଶ ମୂର୍ତ୍ତି ପୂଜା ପାଇଛନ୍ତି।ସେହିପରି  ଉପଜିଲ୍ଲାପାଳଙ୍କ କାର୍ଯ୍ୟାଳୟ ଛକରେ ଥିବା ମୂର୍ତ୍ତି ୧୨ ଫୁଟ ଉଚ୍ଚ ହୋଇଛି।  ଏଥିରେ  ପ୍ରାୟ ୨୫୦୦୦ ଟଙ୍କାର ୫ ଟଙ୍କିଆ କଏନ ତଥା ମୁଦ୍ରାକୁ ବ୍ୟବହାର କରାଯାଇ ଠାକୁରଙ୍କ ବିଭିନ୍ନ ଅଳଙ୍କାର  ଭାବେ ବ୍ୟବହୃତ କରାଯାଇଛି। ଜିଲ୍ଲାପାଳଙ୍କ କାର୍ଯ୍ୟାଳୟରେ ପ୍ରତିଷ୍ଠିତ ପଥର ଗଣେଶ ମୂର୍ତ୍ତି ନିକଟରେ ଜିଲ୍ଲାପାଳ ଆଶିଷ ଈଶ୍ୱର ପାଟିଲ ସଙ୍କଳ୍ପ କରିଥିଲେ। ସେହିପରି ବିଭିନ୍ନ ବିଦ୍ୟାଳୟ ଓ ଅନୁଷ୍ଠାନ, କ୍ଲବର ମୂର୍ତ୍ତିଗୁଡିକ ବେଶ ଆକର୍ଷଣୀୟ ହୋଇଥିଲା। ସହରରେ ସୁସଜ୍ଜିତ ଆଲୋକ ସଜ୍ଜା, ତୋରଣ, ଡାକବାଜି ଯନ୍ତ୍ର ଦ୍ୱାରା ଭଜନ ଗୁଡିକରେ ସହର ପ୍ରକମ୍ପିତ ହୋଇଉଠିଛି ।