ଭୁବନେଶ୍ୱର,୦୩/୦୨: ବନ୍ୟଜନ୍ତୁ ଚାଲାଣକାରୀ ରାକେଟ୍ର ପର୍ଦ୍ଦାଫାଶ । ଗ୍ରାହକ ସାଜି ଚଢାଉ କଲା ବୌଦ୍ଧ ବନବିଭାଗ ଟିମ୍ । ଏହି ଚଢାଉରେ ୪ ଜଣ ଅଭିଯୁକ୍ତଙ୍କୁ ଗିରଫ କରିବା ସହ ୧୫ ଶୁଆ ଶାବକ ଓ ୩ ଟି କଇଁଛଙ୍କୁ ଉଦ୍ଧାର କରାଯାଇଛି । ଗିରଫ ଅଭିଯୁକ୍ତ ବୌଦ୍ଧ ଜିଲ୍ଲା କଣ୍ଟୁଆଣି ଗ୍ରାମର କିଶୋର ସାହୁ, ସମ୍ବଲପୁର ଜିଲ୍ଲା ରେଢ଼ାଖୋଲ ଅଞ୍ଚଳର ଯୋଗେଶ୍ୱର ଦେହୁରୀ, ଆୟୁଷ ସାହୁ, ବଳରାମ ଜେନା ବୋଲି ଜଣାପଡ଼ିଛି । ବୌଦ୍ଧ ଜିଲ୍ଲାରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ବୌଦ୍ଧରେ ବନ୍ୟଜନ୍ତୁ ଚାଲାଣକାରୀ ରାକେଟ୍ ସକ୍ରିୟ ଥିବା ନେଇ ବନବିଭାଗ ପୂର୍ବରୁ ଖବର ପାଇଥିଲା । ଖବର ପାଇ ଚାଲାଣକାରୀଙ୍କୁ ଧରିବା ପାଇଁ ଯୋଜନା କରିଥିଲା । ଶେଷରେ ଗ୍ରାହକ ସାଜି ଡିଲ୍ ବେଳେ ଚଢାଉ କରିଥିଲା ବୌଦ୍ଧ ବନବିଭାଗ ଟିମ୍ । ଚଢାଉ କରି ୧୫ ଶୁଆ ଶାବକ ଓ ୩ ଟି କଇଁଛ ଉଦ୍ଧାର କରିଥିବା ବେଳେ ଘଟଣାରେ ସମ୍ପୃକ୍ତ ଥିବା ୪ ଜଣକ ଅଭିଯୁକ୍ତଙ୍କୁ ଗିରଫ କରିଛି । ଏହା ସହ ଘଟଣାର ତଦନ୍ତ ମଧ୍ୟ ଚଳାଇଛି ବନ ବିଭାଗ ଟିମ୍ ।
