ବୌଦ୍ଧ,୨୭।୪ : ବିଶ୍ଵ ପ୍ରସିଦ୍ଧ ପୁରୀ ରଥଯାତ୍ରା ପାଇଁ ବୌଦ୍ଧ ବନଖଣ୍ଡରୁ ପୁରୀ ଅଭିମୁଖେ ରଥ କାଠ ପଠାଯାଇଛି । ପ୍ରଥମ ପର୍ଯ୍ୟାୟରେ ୨୦ ଖଣ୍ଡ କାଠ ପଠାଇଲା ବୌଦ୍ଧ ବନବିଭାଗ। ୧୨ ଖଣ୍ଡ ଧଉରା, ୮ ଖଣ୍ଡ ଆସନ କାଠ ପୁରୀ ଅଭିମୁଖେ ପଠାଯାଇଛି । ଆଗାମୀ ଦିନରେ ଆହୁରି ଅଧିକ କାଠ ପଠାଇବା ସୂଚନା ଦେଲା ବନବିଭାଗ।
କଣ୍ଟାମାଳ ବନବିଭାଗ ଅଞ୍ଚଳରୁ ୪୦ ଫୁଟ ର କାଠ କଟାଯାଇ ଏକ ଟ୍ରକ୍ ଯୋଗେ ୨୦ ଖଣ୍ଡ କାଠ ପୁରୀ ଅଭିମୁଖେ ଆସିଛି।ବନଖଣ୍ଡ ଅଧିକାରୀ ଙ୍କ କାର୍ଯ୍ୟାଳୟ ଠାରେ ପୂଜାର୍ଚ୍ଚନା କରାଯାଇ ଏହାର ଶୁଭାରମ୍ଭ କରିଛନ୍ତି ଜିଲ୍ଲାପାଳ ସୁବ୍ରତ କୁମାର ପଣ୍ଡା। ତେବେ ୧୦୦ ଖଣ୍ଡ କାଠ କଟାଯାଇ ଟ୍ରକ୍ ରେ ଲୋଡ଼ିଂ କରାଯାଉଥିବା ବେଳେ ବହୁ ଶୀଘ୍ର ଏହି କାଠ କୁ ପୁରୀ ଅଭିମୁଖେ ପଠାଯିବ ବୋଲି ବନଖଣ୍ଡ ଅଧିକାରୀ ଦେବପ୍ରିୟ କମ୍ପ ସୂଚନା ଦେଇଛନ୍ତି।
