ମାଲକାନଗିରି,୪/୨(ଆପ୍ର) : ଡିସେମ୍ବର ୧୬ତାରିଖରେ ମାଲକାନଗିରି ଜିଲ୍ଲାରେ ଧାନ ମଣ୍ଡିର ଶୁଭାରମ୍ଭ କରିଥିଲେ ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ। ଗତ୪୮ଦିନ ମଧ୍ୟରେ ଜିଲ୍ଲା ର ବିଭିନ୍ନ ମଣ୍ଡିରୁ ୩୦, ୪୨୪ ଜଣ ଚାଷୀ ଙ୍କ ଠାରୁ ସୋମବାର ସୁଦ୍ଧା ୧୧ଲକ୍ଷ ୬୨ହଜାର ୧୩୨କୁଇଁଣ୍ଟାଲ ଧାନ କ୍ରୟ ହୋଇ ସାରିଲାଣି। ୨୮, ୮୮୧ ଜଣ ଚାଷୀଙ୍କ ବ୍ୟାଙ୍କ ଖାତାରେ ୨, ୪୮, ୩୨, ୫୯, ୫୧୫ ଟଙ୍କା ଜମା ହୋଇଥିବା ଜଣା ପଡିଛି।
ଜିଲ୍ଲାରେ ଡିସେମ୍ବର ମାସ ୧୬ତାରିଖ ଠାରୁ ମଣ୍ଡି ଆରମ୍ଭ ହୋଇଛି। ଜିଲ୍ଲା ରେ ୨୯ମିଲର ଯୋଗାଣ ବିଭାଗ ସହ ଚୁକ୍ତି କରି ମଣ୍ଡିରୁ ଧାନ ଉଠାଇବା ଆରମ୍ଭ କରିଦେଇଛନ୍ତି। ୧୧ଲକ୍ଷ ୮୫ହଜାର ୩୦୧କୁଇଣ୍ଟାଲ ଧାନ ମଣ୍ଡି ରେ କ୍ରୟ ହେବାର ଟାର୍ଗେଟ ଥିବା ବେଳେ ଇତି ମଧ୍ୟରେ ୧୧ଲକ୍ଷ ୬୨ହଜାର ୧୩୨କୁଇଣ୍ଟାଲ ଧାନ ମଣ୍ଡି ରେ ୩୦ହଜାର୪୨୪ଜଣ ଚାଷୀ ଙ୍କ ଠାରୁ ଧାନ କ୍ରୟ କରାଯାଇଛି। ୧୧ଲକ୍ଷ ୧୨ହଜାର ୧୪କୁଇଣ୍ଟାଲ ଧାନ ମଣ୍ଡିରୁ ମିଲର ମାନେ ଉଠାଇସାରିଛନ୍ତି। ୫୦ହଜାର୧୧୮ କୁଇଣ୍ଟାଲ ଧାନ ବିଭିନ୍ନ ମଣ୍ଡି ରେ ପଡିରହିଥିବାର ଜିଲ୍ଲା ଯୋଗାଣ ବିଭାଗ ସୂତ୍ର ରୁ ଜଣା ପଡିଛି। ମଣ୍ଡି ଗୁଡିକ ରେ ଧାନ କ୍ରୟ ର ଟାର୍ଗେଟ ସରିବାକୁ ବସିଲାଣି ହେଲେ ଏ ପର୍ଯ୍ୟନ୍ତ ଚାଷୀଙ୍କୁ ଅଖା ଓ ସୁତୁଲି ଟଙ୍କା ମିଳି ନଥିବାର ଚାଷୀ ମାନେ ଅଭିଯୋଗ କରିଛନ୍ତି।
ସରକାରଙ୍କ ନୂଆ ନିତି ଓ ଅତ୍ୟାଧୁନିକ ଗ୍ରେନ ଆନାଲାଇଜର ଯନ୍ତ୍ର ଚାଷୀ ଙ୍କ ପାଇଁ ହୋଇଛି କାଳ। ସରକାର ଧାନ କିଣାରେ ସ୍ଵଚ୍ଛତା ରକ୍ଷା କରିବାକୁ ଅନେକ ନିୟମ କରିଛନ୍ତି । କିନ୍ତୁ ଚାଷୀଙ୍କ ପାଇଁ ଏହି ନିୟମ ବର୍ତ୍ତମାନ ସମସ୍ୟା ସୃଷ୍ଟି କରିଛି। କେତେ ଦିନ ଧରି ଧାନକୁ ଖଳାରେ ଶୁଖାଇବୁ, ବର୍ଷା ଦାଉ ସାଜିଛି,ଧାନ ଚୋରି ସହ ଗାଈଗୋରୁ ପଶିବାର ସମ୍ଭାବନା ରହିଛି। । ସରକାର କରିଥିବା ନିୟମକୁ ଦେଖିଲେ ଗୋଟିଏ ଦିନରେ ଅଳ୍ପ କିଛି ଚାଷୀ ଧାନ ବିକ୍ରି କରିପାରିବେ | ମାଲକାନଗିରି ଜିଲ୍ଲା ରେ ଅଧିକାଂଶ ସମୟ ରେ ଲିଙ୍କ୍ ଫେଲ୍ ସମ୍ଭାବନା ରହୁଥିବାରୁ ମଣ୍ଡି କୁ ଗଲେ ସୁଦ୍ଧା ଧାନ ବିକ୍ରି ହେବାରେ ବିଳମ୍ବ ଘଟୁଛି । ଏମିତି ସ୍ଥିତିରେ ପୁରୁଣା ନିୟମ ଅନୁସାରେ ଧାନ ଉଠାଇବା ପାଇଁ ଚାଷୀ ଦାବି କରିଛନ୍ତି I
