ଟିକିରି : ଟିକିରି ସାପ୍ତାହିକ ହାଟକୁ କିଣାକିଣି କରିବାକୁ ଡୁମେଲ ଗ୍ରାମର ଦାମ ଗଉଡ ଆସି ଥିଲେ। ସାଥିରେ ପୁଅ ପିୟୁସ ଗଉଡକୁ ଆଣିଥିଲେ। ହେଲେ କିଣାକିଣି କରିବା ବେଳେ ପୁଅ କୁଆଡେ ଚାଲି ଯାଇଥିଲା। ବହୁତ ଖୋଜାଖୋଜି କରିବା ପରେ ପିୟୁସଙ୍କର କୌଣସି ପତ୍ତା ମିଳି ନଥିଲା। ବ୍ୟସ୍ତ ବିବ୍ରତ ହୋଇ ଦାମ ଗଉଡ ଥାନାରେ ଜଣାଇ ଥିଲେ। ଘଟଣାଟି ରାୟଗଡ଼ା ଜିଲ୍ଲା କାଶିପୁର ବ୍ଲକର କାଶିପୁର ଥାନା ଅଞ୍ଚଳରେ ଘଟିଛି।
ଟିକିରି ଥାନା ଆଇଆଇସି ବିଶ୍ୱବନ୍ଦିନି ବାଗ୍ ଖବର ପାଇ ଥିଲେ। ତୋତୋଗୁଡ଼ା ଛକରେ ପିଲାଟି ରାସ୍ତାରେ ଦୌଡ଼ି ଥିବାର ଛବିଲାଲ ପୁରୁସେଠି ଓ ଗୈରୀ ପୁରୁସେଠି ଦେଖି ପିଲାଟିକୁ ଧରି ଥିଲେ ଏବଂ ପୁଲିସକୁ ଫୋନ୍ କରିଥିଲେ। ଆଇଆଇସି ପିଲାଟିକୁ ଆଣି ବାପା ଦାମ ଗଉଡଙ୍କୁ ହସ୍ତାନ୍ତର କରିଥିଲେ।
