ନୂଆଦିଲ୍ଲୀ : ଗତ ଦିନରେ ବିରୋଧି ଦଳଙ୍କ ଗଠବନ୍ଧନ INDIAର ମୁମ୍ୱାଇରେ ହୋଇଥିବା ବୈଠକକୁ ନେଇ ଅନେକ ବିଶ୍ଳେଷଣ ସାମନାକୁ ଆସି ସାରିଛି। କିଛି ବିଶ୍ଳେଷକ ଏହାକୁ ଫ୍ଲପ୍‌ ତ କିଛି ହିଟ୍‌ କହିଛନ୍ତି। କିନ୍ତୁ ମଝି ମଝିରେ  ଆସୁଥିବା ନେତାଙ୍କ ଅଜବ ଗଜବ ବୟାନ ପୂରା ଡ୍ରିଲ୍‌ ଉପରେ ପ୍ରଶ୍ନକାରୀଙ୍କ ପାଇଁ ଟାର୍ଗେଟ କରିବାକୁ ସୁବିଧା ହୋଇଛି। ତାଜା ବୟାନ ଦେଇଛନ୍ତି ଆପ୍‌ ନେତା ସୌରଭ ଭରଦ୍ୱାଜ ।

 ସୌରଭ ଭରଦ୍ୱାଜ ରବିବାର କହିଛନ୍ତି , INDIA ଗଠବନ୍ଧନ ପାଇଁ ଏକାଠି ରହିବା ସହଜ ହେବ ନାହିଁ , କିନ୍ତୁ ଯଦି ସେ ଏମିତି କରିବାରେ ସଫଳ ହୁଅନ୍ତି ତ ୨୦୨୪ ର ଲୋକସଭା ନିର୍ବାଚନରେ ବିଜେପି ହାରିଯିବ।

 ଦେଶର ରାଜଧାନୀ ଦିଲ୍ଲୀରେ ଇଣ୍ଡିଆନ ସ୍କୁଲ ଅଫ୍‌ ଡେମୋକ୍ରେସି ପକ୍ଷରୁ ଆୟୋଜିତ ଏକ କାର୍ଯ୍ୟକ୍ରମରେ ସୌରଭ ଭରଦ୍ୱାଜ ଦାବି କରି କହିଛନ୍ତି କି, ଅନେକ ଦଳ ଯେଉଁମାନେ ବିଜେପି ନେତୃତ୍ୱର ଏନଡିଏର ସଦସ୍ୟ ,ଆଗାମୀ ଦିନରେ ବିରୋଧି ଇଣ୍ଡିଆ ଗ୍ରୁପ୍‌ରେ ମଧ୍ୟ ସାମିଲ ହୋଇଯିବେ। ବିଜେପି ନେତା ଜୟବୀର ଶେରଗିଲ ଦାବି କରିଛନ୍ତି କି, ଇଣ୍ଡିଆ ବ୍ଲକ୍‌ର ଘଟକ ଦଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରତି ନିଜର ଘୃଣା ଭାବ ଯୋଗୁଁ ଏକାଠି ହୋଇଛନ୍ତି। ଏହା ଅନେକ ମାମଲାରେ ତାଙ୍କର ବିଚାର ଅଲଗା ଅଲଗା ରହିଛି। 

 ବିଜେପି ନେତା ଜୟବୀର ଶେରଗିଲ କହିଛନ୍ତି କି ବିରୋଧି ଗଠବନ୍ଧନ ତିଷ୍ଠି ପାରିବ ନାହିଁ । ଏହାର ଜବାବରେ ସୌରଭ ଭରଦ୍ୱାଜ କହିଛନ୍ତି ,ବିରୋଧି ଗଠବନ୍ଧନ ଇଣ୍ଡିଆରେ ସବୁ ଦଳକୁ ବଳିଦାନ ଦେବାକୁ ହେବ। ଇଣ୍ଡିଆ  ଗଠବନ୍ଧନ ପାଇଁ ଏକାଠି ରହିବା ସହଜ ନୁହେଁ କିନ୍ତୁ ଯଦି ବିରୋଧି ଦଳମାନେ ଏକାଠି ହୋଇଯାନନ୍ତି ତ ମୋଦି ଜୀ ଆଉ ଫେରି ପାରିବେ ନାହିଁ ।