ଭୁବନେଶ୍ୱର, ୨୫।୧୧: ନାରୀ ହେଉ ବା ପୁରୁଷ, ସୁନ୍ଦର ମୁଲାୟମ ସ୍କିନ୍ କିଏ ବା ନ ଚାହେଁ । ଏହା ଆକର୍ଷଣୀୟ ବ୍ୟକ୍ତିତ୍ୱର ମାପକାଠି । ଅନ୍ୟାନ୍ୟ ଋତୁ ଅପେକ୍ଷା ଶୀତଦିନେ ବାୟୁମଣ୍ଡଳ ଅଧିକ ଶୁଷ୍କ ଥାଏ । ଏହାର କୁପ୍ରଭାବ ସିଧା ଆମ ସ୍କିନ୍ ଉପରେ ପଡ଼ିଥାଏ । ଅନେକ ଶୁଷ୍କ ତ୍ୱଚାରୁ ରକ୍ଷା ପାଇବାକୁ ବଡିଲୋସନ୍ର ବ୍ୟବହାର କରିଥାନ୍ତି । ହେଲେ ଏହାର ପ୍ରଭାବ ଅଧିକ ସମୟ ରହିନଥାଏ । ତେବେ ଶୀତ ଦିନେ କେମିତି ନେବେ ତ୍ୱଚାର ଯତ୍ନ ? ଆସନ୍ତୁ ଜାଣିବା ।
-ଶୀତଦିନେ ବିଶେଷକରି ନଡ଼ିଆ ତେଲ ଲଗାନ୍ତୁ । ଏହା ଚର୍ମର ଗଭୀରତାକୁ ଯାଇ ଏହାକୁ ଆଦ୍ର ଓ ନରମ ରଖିବାରେ ସହାୟକ ହୁଏ । ଏହାର ଆଣ୍ଟି ଫଙ୍ଗାଲ ଏବଂ ଆଣ୍ଟି ବ୍ୟାକ୍ଟେରିଆଲ ଯୋଗୁଁ ଯେ କୌଣସି ପ୍ରକାର ସଂକ୍ରମଣରୁ ସୁରକ୍ଷିତ ରଖେ ।
-ଭିଟାମିନ୍-ଇରେ ଭରପୂର ଥିବା ବାଦାମ ତେଲ ବି ଚର୍ମକୁ ନରମ କରିବା ସହ ଜଳାପୋଡ଼ା ଆଦି ହ୍ରାସ କରିପାରେ । ଗାଧୋଇବା ପରେ ଏହାକୁ ନିୟମିତ ଲଗାଇଲେ ତ୍ୱଚା ନରମ ରହିଥାଏ ।
-ଅଲିଭ୍ ତେଲର ଆଣ୍ଟି ଅକ୍ସିଡାଣ୍ଟ ତତ୍ତ୍ୱ ଚର୍ମର ଗଭୀରତାକୁ ଯାଇ ଏହାକୁ ନରମ ରଖିଥାଏ ।
-ରାଶି ତେଲ ଶୀତଦିନେ ଶରୀର ପାଇଁ ଅଧିକ ଉପକାରୀ ହୋଇଥାଏ । ଏହା ଚର୍ମକୁ ଉଷୁମ ରଖିବା ସହ ଶୁଷ୍କ ହେବାକୁ ଦିଏନାହିଁ । ଏହାର ଆଣ୍ଟି-ଅକ୍ସିଡାଣ୍ଟ ତତ୍ତ୍ୱ ଚର୍ମକୁ ସୁସ୍ଥ ରଖେ ।
-ଜଡ଼ା ତେଲ ମଧ୍ୟ ଚର୍ମର ଆର୍ଦ୍ରତା ରକ୍ଷା କରିବା ସହ ଏହାକୁ ଶୁଷ୍କ ହେବାକୁ ଦେଇନଥାଏ ।
