ନୂଆଦିଲ୍ଲୀ,୦୧/୦୧: ସମସ୍ତଙ୍କ ଜୀବନଶୈଳୀ ସମାନ ନଥାଏ । ଭିନ୍ନ ଭିନ୍ନ ହୋଇଥାଏ । ଯଦି ମହିଳାଙ୍କ କଥା କହିବା ତେବେ ତାଙ୍କ ଉପରେ ଅନେକ ଦାୟିତ୍ବ ଥାଏ । ଏତେ ବ୍ୟସ୍ତ ରୁହନ୍ତି ଯେ ନିଜକୁ ସମୟ ଦିଅନ୍ତି ନାହିଁ । ଘରର ଯାବତ୍ୟ କାମ କରି ଥକି ଯିବେ ପଛେ ନିଜ କଥା ଭାବିବେ ନାହିଁ । ଏମିତି କରିବା ପରେ ମହିଳାଙ୍କ ସ୍ବାସ୍ଥ୍ୟବସ୍ଥା ବିଗିଡି ଯିବାର ସମ୍ଭାବନା ରହିଛି । ଶରୀରର ଅବଶ୍ୟକୀୟ ନ୍ୟୁଟ୍ରିସନ ଅଭାବ ଦେଖିବାକୁ ମିଳେ । ଥକାପଣକୁ ଅଣଦେଖା କରୁଥିଲେ ସାବଧାନ ରହିବାକୁ ହେବ ।
ଅଧିକ କାମ କରି ଥକିଯିବା ସ୍ବାଭାବିକ କଥା ମାତ୍ର କିଛି ନକରି ଶୀଘ୍ର ଥକାପଣ ଆସିବା ବିପଦ । ଚଳ ଚଞ୍ଚଳ ଜୀବନରେ ପ୍ରଦୂଷିତ ବାୟୁ, ମିଶ୍ରିତ ଖାଦ୍ୟ ସ୍ବାସ୍ଥ୍ୟ ଉପରେ ପ୍ରଭାବ ପକାଇଥାଏ । ଅନେକ ମହିଳାଙ୍କୁ ଜଲଦି ଥକାପଣ ଆସିଥାଏ । ଏହାକୁ ଅଣଦେଖା କରିବା ଉଚିତ୍ ନୁହେଁ । ତେବେ ବିଭିନ୍ନ କାରଣରୁ ଥକାପଣ ଆସିଥାଏ ସେ ଦିଗରେ ଗୁରୁତ୍ବ ଦେବା ଦରକାର ।
ନିଦ ଅଭାବ- ବେଶୀ ସମୟ ଶୋଇବା ଠିକ୍ ନୁହେଁ । ଅଧିକ ବି ଭଲ ନୁହେଁ । ମାତ୍ର ଯେତିକି ଘଣ୍ଟା ଶୋଇବା ଦରକାର ତାହା ପୂର୍ଣ୍ଣ ହେବା ଦରକାର । ନିଦ କମ୍ପ୍ଲିଟ ନହେଲେ ଜଲଦି ଥକାପଣ ଆସିଥାଏ ।
ଲାଇଫଷ୍ଟାଇଲ- ସମସ୍ତଙ୍କର ଅଲଗା ଅଲଗା ଲାଉଫଷ୍ଟାଇଲ ଥାଏ । ଜୀବନ ଜଞ୍ଜାଳ ଭିତରେ ମହିଳାମାନେ ନିଜକୁ ସମୟ ଦିଅନ୍ତି ନାହିଁ । ଦିନ ତମାନ କାମ କରି ଥକିଯାଇଥାନ୍ତି । ଏହାଛଡା ଅସ୍ବାସ୍ଥ୍ୟକର ଖାଦ୍ୟ, ଠିକ ଟାଇମରେ ନ ଖାଇବା, ବାୟ୍ୟାମ ନ କରିବା ଥକାପଣର କାରଣ ହୋଇଥାଏ ।
ଷ୍ଟ୍ରେସ- ଡିପ୍ରେସନ ହେଉ କିମ୍ବା ମାନସିକ ଚିନ୍ତା ସ୍ବାସ୍ଥ୍ୟବସ୍ଥା ଉପରେ ପ୍ରଭାବ ପକାଏ । ଏହା ଥକାପଣର ଏକ ବଡ କାରଣ । ଷ୍ଟ୍ରେସରୁ ମୁକ୍ତି ପାଇଁ ପ୍ରତିଦିନ ମେଡିଟେସନ କରିବା ଜରୁରୀ ।
ହରମୋନାଲ ଚେଞ୍ଜ- ଥକାପଣର ଅନେକ କାରଣ ରହିଛି । ଗର୍ଭାବସ୍ଥା, ମାସିକ ଋତୁସ୍ରାବ ସମୟରେ ମଧ୍ୟ ଥକାପଣ ଆସିଥାଏ ।
ଡାଏଟ ଏବଂ ଡିହାଇଡ୍ରେସେନ- ଦିନରେ ଖାଦ୍ୟ ନଥାଇବା, ପାଣି ନ ପିଇବାରୁ ଥକାପଣ ଆସିଥାଏ । ଖାଇବା ବିନା ଶରୀରକୁ ପୋଷକ ତତ୍ତ୍ବ ମିଳେନାହିଁ । ସମସ୍ୟା ଦେଖାଦିଏ ।
ଥାଏରଏଡ- ଶୀରର ତାପମାତ୍ରା ନିୟନ୍ତ୍ରିତ କରିବା, ହାର୍ଟ ହେଲ୍ଥ ଏବଂ ମେଟାବୋଲିଜିମକୁ ନିୟନ୍ତ୍ରିତ କରିବାରେ ସାହାଯ୍ୟ କରିଥାଏ ।
ଆଇରନ ଅଭାବ- ଯଦି ମହିଳାଙ୍କ ଶରୀରରେ ଆଇରନ ଅଭାବ ହୁଏ ତେବେ ଶୀଘ୍ର ଥକାପଣ ଆସିଥାଏ । ତେଣୁ ଆଇରନ ଯୁକ୍ତ ଖାଦ୍ୟ ଖାଇବାକୁ ହେବ ।
