ରିଆମାଳ,୧୮/୧୦: ଆକ୍ସନ ମୋଡରେ ରିଆମାଳ ପୋଲିସ । ବାଇକ୍ ଚୋରି ରାକେଟକୁ କାବୁ କଲା ପୋଲିସ । ଏହି ଘଟଣାରେ ୮ଟି ଚୋରି ବାଇକ୍ ସହ ୭ଟି ମୋବାଇଲ ଜବତ ହୋଇଛି । ଏହି ଘଟଣାରେ ସମ୍ପୃକ୍ତ ଥିବା ୩ ଜଣ ଲୁଟେରା ତେଲିମୁଣ୍ଡା ଗ୍ରାମର ମୋହନ ସାହୁଙ୍କ ପୁଅ ଗୋବିନ୍ଦ (୩୦), ମେଘନାଦ ସାହୁଙ୍କ ପୁଅ ମିଲଟନ (୨୯) ଓ ଦିଜବର ସାହୁଙ୍କ ପୁଅ ବିକାଶ (୨୫)ଙ୍କୁ ମଧ୍ୟ ଗିରଫ କରିଛି ପୋଲିସ ।
ସୂଚନା ମୁତାବକ, ରିଆମାଳ ଥାନା ଅଞ୍ଚଳରେ ବିଗତ କିଛି ଦିନ ହେବ ବାଇକ ଚୋରି ହେଉଥିବା ଥାନାରେ ଏତେଲା ହୋଇଥିଲା । ଥାନାଧିକାରୀ ସତ୍ୟବ୍ରତ ରାଉତ ଏଥିପାଇଁ ଏକ ଟିମ ଗଠନ କରି ତଦନ୍ତ କରିଥିଲେ । ତଦନ୍ତ ବେଳେ ଆଠଟି ଚୋରି ବାଇକ ଏବଂ ସାତଟି ମୋବାଇଲ ଜବତ କରିବା ସହିତ ତେଲିମୁଣ୍ଡା ଗ୍ରାମର ମୋହନ ସାହୁଙ୍କ ପୁଅ ଗୋବିନ୍ଦ, ମେଘନାଦ ସାହୁଙ୍କ ପୁଅ ମିଲଟନ ଓ ଦିଜବର ସାହୁଙ୍କ ପୁଅ ବିକାଶଙ୍କୁ ଗିରଫ କରିଛି ପୋଲିସ । ଶୁକ୍ରବାର ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ଏସ.ଡି.ପି. ଓ ସୌମ୍ୟରଞ୍ଜନ ମଲିକ ପ୍ରେସମିଟରେ ସୂଚନା ଦେବା ସହିତ ଅଧିକ ତଦନ୍ତ ଚାଲୁଥିବା କହିଛନ୍ତି l