ଭୁବନେଶ୍ୱର,୦୨/୧୦: ଘରୁ ଲୁଟ୍ କରିବାକୁ ଆସି ମହିଳାଙ୍କୁ ଦୁଷ୍କର୍ମ କରିଥିଲେ ଦୁର୍ବୃତ୍ତ । ସେପ୍ଟେମ୍ୱର ୨୯ ତାରିଖରେ ଘଟିଥିବା ଏହି ଘଟଣାରେ ୨ ଜଣଙ୍କୁ ଅଟକ ରଖିଛି ପୋଲିସ । ରାଜଧାନୀ ଭୁବନେଶ୍ୱରର ମୈତ୍ରୀ ବିହାର ଅଞ୍ଚଳରେ ଥିବା ଏକ ଆପାର୍ଟମେଣ୍ଟରେ ଏଭଳି ଲଜ୍ଜ୍ୟାକର ଘଟଣା ଘଟିଥିଲା ।

ସୂଚନା ମୁତାବକ, ଘରୁ ଲୁଟ୍ କରିବାକୁ ଆସି ମହିଳାଙ୍କୁ ଦୁଷ୍କର୍ମ କରିଥିଲେ ଦୁର୍ବୃତ୍ତ । ଏନେଇ ମହିଳା ଜଣକ ମୈତ୍ରୀ ବିହାର ଥାନାରେ ଅଭିଯୋଗ କରିଥିଲେ । ଉକ୍ତ ଅଭିଯୋଗ ଆଧାରରେ ଲୁଟେରାଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ସ୍ପେସାଲ ସ୍କ୍ୱାର୍ଡ ଏବଂ ମୈତ୍ରୀ ବିହାର ପୋଲିସ ଚଢାଉ କରିଥିଲା । ତେବେ ଏହି ଘଟଣାରେ ସମ୍ପୃକ୍ତ ଥିବା ଦୁଇଜଣ ଅଭିଯୁକ୍ତଙ୍କୁ ପୋଲିସ ଅଟକ ରଖିଛି । ଏନେଇ ଭୁବନେଶ୍ୱର ଡିସିପି ସୂଚନା ଦେଇଛନ୍ତି । 

ଗତ ରବିବାର ବିଳମ୍ବିତ ରାତିରେ ମହିଳା ଜଣକ ତାଙ୍କ ପୁଅ ସହ ଘରେ ଶୋଇଥିଲେ । ଏହି ସମୟରେ ଚୋରୀ କରିବା ପାଇଁ କିଛି ଲୁଟେରା ଆପାର୍ଟମେଣ୍ଟରେ ପଶିଥିଲେ । ଲୁଟ୍‌ ପରେ ମହିଳାଙ୍କୁ ଛୁରୀ ଦେଖାଇ ଦୁଷ୍କର୍ମ କରିଥିଲେ । ଏନେଇ ମହିଳା ଜଣଙ୍କ ମୈତ୍ରୀବିହାର ଥାନାରେ ଅଭିଯୋଗ କରିଥିଲେ । ଲୁଟେରାଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢାଉ କରିଥିଲା ପୋଲିସ । ଅଭିଯୋଗ ପରେ ପୋଲିସ ତଦନ୍ତ କରି ଦୁଇ ଅଭିଯୁକ୍ତଙ୍କୁ ବାନ୍ଧିଛି । ଉଭୟଙ୍କୁ ଜେରା ମଧ୍ୟ କରୁଛି ପୋଲିସ ।