କେରଳ -ଗୁଗଲ ମ୍ୟାପ ଦେଖି ରାସ୍ତା ଖୋଜିବା ପଡ଼ିଲା ମହଙ୍ଗା। ରାସ୍ତା ଖୋଜୁ ଖୋଜୁ ନଦୀ ଭିତରେ କାର୍ ପୂରାଇ ଦେଲେ ଦୁଇ ଜଣ ଯୁବକ।ଏମିତି ଘଟଣା କେରଳର ଉତ୍ତରୀ କାସରଗୋଡ ଜିଲ୍ଲାରେ ଘଟିଛି। ଗୁଗଲ ମ୍ୟାପ୍ର ବ୍ୟବହାର କରି ହସ୍ପିଟାଲକୁ ରାସ୍ତା ଖୋଜୁ ଥିଲେ ଏହି ଦୁଇ ଯୁବକ । ଗୁଗଲ ମ୍ୟାପ୍ରେ ରାସ୍ତା ଖୋଜିବା ବେଳେ ତାଙ୍କ କାର ଯାଇ ନଦୀ ଭିତରେ ପଶିଗଲା। କାର ହଠାତ୍ ପାଣିର ପ୍ରଖର ସ୍ରୋତରେ ବହିବାକୁ ଲାଗିଲା ଏବଂ ପରେ ନଦୀ କୂଳରେ ଥିବା ଗଛରେ ଯାଇ ଲାଗିଥିଲା। ଏହାପରେ ରେସ୍କ୍ୟୁ ଟିମ୍ ତାଙ୍କୁ ବଞ୍ଚାଇ ଥିଲେ।
ରବିବାର ସୋସିଆଲ ମିଡ଼ିଆରେ ଏହି ଘଟଣାର ଭିଡ଼ିଓ ଖୁବ୍ ଭାଇରାଲ ହେଉଛି। ଏହି ଭିଡ଼ିଓରେ ପଲ୍ଲାଞ୍ଚିରେ ଉଫନତି ନଦୀରୁ ଦମକଳ କର୍ମଚାରୀମାନେ ତାଙ୍କୁ ସୁରକ୍ଷିତ ଉଦ୍ଧାର କରିବାର ଦେଖିବାକୁ ମିଳୁଛି। ଯେବେ ତାଙ୍କର କାର୍ ପାଣିର ଦ୍ରୁତ ସ୍ରୋତରେ ବହି ଏକ ଗଛରେ ଫସିଗଲା , ସେ କୌଣସି ପ୍ରକାରରେ ଗାଡ଼ିରୁ ବାହାରି ଦମକଳ କର୍ମୀଙ୍କୁ ନିଜର ଲୋକେସନ ବିଷୟରେ ଜଣାଇ ଥିଲେ। ପରେ ଅଗ୍ନିଶମ ବାହିନୀର କର୍ମଚାରୀ ଘଟଣା ସ୍ଥଳରେ ପହଞ୍ଚି ଥିଲେ ଏବଂ ରଶି ସାହାଯ୍ୟରେ ଦୁଇ ବ୍ୟକ୍ତିଙ୍କୁ ସୁରକ୍ଷିତ ବାହାର କରିଥିଲେ।
ଉଦ୍ଧାର ଦୁଇ ଯୁବକ କହିଛନ୍ତି କି , ସେ ପଡ଼ୋଶୀ ରାଜ୍ୟ କର୍ଣ୍ଣାଟକର ଏକ ହସ୍ପିଟାଲ ଯାଉଥିଲେ, ଯେଉଁଥି ପାଇଁ ଗୁଗଲ ମ୍ୟାପ୍ର ବ୍ୟବହାର କରି ଆଗକୁ ବଢୁ ଥିଲେ। ଯୁବକଙ୍କ ମଧ୍ୟରେ ଜଣେ ଅବଦୁଲ ରଶିଦ୍ କହିଛନ୍ତି କି ଗୁଗଲ ମ୍ୟାପ୍ରୁ ତାଙ୍କୁ ଆଗକୁ ଏକ କ୍ରସ୍ ରୋଡ୍ ଥିବାର ଜଣାଗଲା, ଏହାପରେ ସେ ନିଜ କାରକୁ ନେଇ ଗଲେ। କିନ୍ତୁ ବାସ୍ତବରେ ତାହା ଏକ ନଦୀ ଥିଲା। କହି ରଖୁଛି କି, ଗତ ବର୍ଷ କେରଳରେ ୨୯ ବର୍ଷିୟ ଜଣେ ଡାକ୍ତରଙ୍କର ଏହିପରି ମୃତ୍ୟୁ ହୋଇଥିଲା, ଯେବେ ସେ ଗୁଗଲ ମ୍ୟାପ୍ ସାହାଯ୍ୟରେ ରାସ୍ତା ଦେଖୁଥିଲେ , ସେତେବେଳେ ପେରିୟାର ନଦୀରେ ପଶି ଯାଇ ଥିଲେ।