ନୂଆଦିଲ୍ଲୀ ୦୫/୧୨: ମହିଳାମାନଙ୍କର ଘର କାମ ସରିବା ପରେ ସେମାନେ କିଛି ସମୟ ପାଇଁ ନିଜକୁ ରିଲାକ୍ସ କରିବାକୁ ପସନ୍ଦ କରିଥାନ୍ତି। ଏହି ସମୟରେ ସେମାନେ ପ୍ରାୟତଃ ଗପସପ କରିଥାନ୍ତି । କେବେ କେବେ ଗପସପ କରି ନିଜକୁ ଭାରାକ୍ରାନ୍ତ ମଧ୍ୟ କରିଥାନ୍ତି । ଫଳରେ ମାନସିକ ସ୍ଥିତି ଅସ୍ଥିର ହୋଇପଡେ । ଜାଣନ୍ତି କି ଏହି ସମୟକୁ ଆପଣ ଚାହିଁଲେ ଯେକୌଣସି ବହି ପଢିବାରେ ବ୍ୟବହାର କରିପାରିବେ ? ଏହା ଏକ ଖୁବ୍ ଭଲ ବ୍ୟାୟାମ ମଧ୍ୟ, ଯାହା ମାନସିକ ସ୍ଥିତିକୁ ସୁସ୍ଥ ରଖିଥାଏ । ଚିନ୍ତା ଓ ଅଯଥା ଗପସପରୁ ଦୂରେଇ ରହିବା ପାଇଁ ଏହା ଶ୍ରେଷ୍ଠ ବିକଳ୍ପ । ବହି ପଢିବା ଦ୍ୱାରା ଜ୍ଞାନ ଅର୍ଜନ ସହ ଆତ୍ମବିଶ୍ୱାସ ଓ ଏକାଗ୍ରତା ମଧ୍ୟ ବଢିଥାଏ । ଆଉ ମାନସିକ ସ୍ଥିତି ସ୍ଥିର ରହିଥାଏ ।
ଭଲ ନିଦ ପାଇଁ ପଢିବା ଜରୁରି ପଢିବା ଏକ ଭଲ ଅଭ୍ୟାସ, ଯାହା ସ୍ୱାସ୍ଥ୍ୟ ସହ ବ୍ୟକ୍ତିତ୍ୱରେ ମଧ୍ୟ ସୁଧାର ଆଣିଥାଏ । ପଢିବା ଦ୍ୱାରା ଚିନ୍ତା ଓ ଅବସାଦ ଦୂର ହୋଇଥାଏ । ଫଳରେ ନିଦ ନ ଆସିବା ସମସ୍ୟା ଦୂର ହୋଇ ଭଲ ନିଦ ହୋଇଥାଏ ।
ଚିନ୍ତାରୁ ମୁକ୍ତି ଆମ ଶରୀର ସହ ଚିନ୍ତାର ସିଧାସଳଖ ସମ୍ପର୍କ ରହିଛି । ତେଣୁ ଅଧିକ ଚିନ୍ତା କରିବା ଦ୍ୱାରା ଶାରୀରିକ ଓ ମାନସିକ ସ୍ଥିତି ଉପରେ ଖରାପ ପ୍ରଭାବ ପଡିଥାଏ । ଏଥିରୁ ନିସ୍ତାର ପାଇବା ପାଇଁ ବହି ପଢିବା ଶ୍ରେଷ୍ଠ ବିକଳ୍ପ, ସହଜ ସମାଧାନ ମଧ୍ୟ ।
ସୃଜନଶୀଳତା ଓ ଜ୍ଞାନ ବଢାଏ ପଢିବା ଦ୍ୱାରା ଜ୍ଞାନ ବଢିବା ସହ ସୃଜନଶୀଳତା ମଧ୍ୟ ବଢିଥାଏ । ଫଳରେ ଆତ୍ମବିଶ୍ୱାସ ବଢିବା ସ୍ୱାଭାବିକ୍ । ଏପରିକି ଭାବିବା ଓ ବୁଝିବାରେ ମଧ୍ୟ ସୁଧାର ଆସିଥାଏ ।
