ସୋରଡ଼ା, ୨୩/୦୮: ଗଞ୍ଜାମ ଜିଲ୍ଲା ସୋରଡ଼ା ଜରଉ ନିକଟ ଜାତୀୟ ରାଜପଥରେ ମର୍ମନ୍ତୁଦ ଦୁର୍ଘଟଣା । ରାସ୍ତାରୁ ୧୦ ଫୁଟ ତଳକୁ ଖସିଲା ବାଇକ୍ । ଏହି ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଛି । ମୃତକ ହେଉଛନ୍ତି ସୋରଡ଼ା ବ୍ଲକ ସାଲିମାଗୋଚ୍ଛାର ପୁଷ୍ପ ଶୋଭାସୁନ୍ଦର ।
ସୂଚନା ମୁତାବକ, ପୁଷ୍ପ ସୋରଡ଼ାରୁ ଏକ ବାଇକ୍ ଯୋଗେ ନିଜ ଗାଁ ଅଭିମୁଖେ ଯାଉଥିଲେ । ଅସାବଧାନତା ବଶତଃ ରାସ୍ତା ପାର୍ଶ୍ଵରେ ୧୦ ଫୁଟ ତଳକୁ ଗାଡି ସହ ଖସି ଯାଇଥିଲେ । ଫଳରେ ଗାଡିଟି ସମ୍ପୂର୍ଣ୍ଣ ଚୁରମାର ହୋଇଥିବା ବେଳେ ଘଟଣା ସ୍ଥଳରେ ହିଁ ପୁଷ୍ପଙ୍କ ମୃତ୍ୟୁ ହୋଇଯାଇଥିବା ଜଣାପଡିଛି । ଏସମ୍ପର୍କରେ ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ବାଇକ୍ଟିକୁ ଥାନାକୁ ଆଣି ତଦନ୍ତ ଆରମ୍ଭ କରିଛି ।
