ସମ୍ବଲପୁର,୨୨।୭ : ରେଢାଖୋଲ ଥାନା ପୋଡା ବଲଣ୍ଡା ଗାଁରେ ଡବଲ ମର୍ଡର । ସ୍ତ୍ରୀ ଓ ଶାଶୁଙ୍କୁ ହତ୍ୟା କଲା ଜ୍ବାଇଁ । ଶଶ୍ବୁର ଘରକୁ ଯାଇ ସ୍ତ୍ରୀ ଓ ଶାଶୁଙ୍କୁ ଟାଙ୍ଗିଆରେ ହତ୍ୟା କରିଛି । ମୃତକ ଦ୍ବୟ ହେଲେ ଗାୟତ୍ରୀ ସାହୁ ଓ ରୁକ୍ମଣୀ ସାହୁ । ଅଭିଯୁକ୍ତ ଜଣକ ହେଲେ ମିଥୁନ ସାହୁ ।
ପାରିବାରିକ ସମସ୍ୟାକୁ ନେଇ ଜ୍ୱାଇଁ ମିଥୁନ ସାହୁଙ୍କ ସହିତ ଗତ କିଛି ଦିନ ହେବ ଗଣ୍ଡଗୋଳ ଲାଗି ରହିଥିଲା । ତା’ ସତ୍ବେ ମଧ୍ୟ୍ୟ ମିଥୁନ ଆଜକୁ ପ୍ରାୟ ୧୫ଦିନ ହେବ ଶାଶୁ ଘରକୁ ଆସି ଏକ ନୂତନ ଗୃହ ନିର୍ମାଣ କରୁଥଲେ। ଆଜି ସକାଳୁ ମିଥୁନଙ୍କ ସ୍ତ୍ରୀ ଓ ଶାଶୁ ମିଶି ତାଙ୍କୁ ଗାଳି ଗୁଲଜ କରିବା ସହିତ ଘରୁ ବାହାରି ଯିବାକୁ ବାଧ୍ୟ କରିବା ସହିତ ମାଡ଼ ମାରି ଥିଲେ। ତେବେ ନିର୍ଯ୍ୟାତନା ସହ୍ୟ କରି ନପାରି ସ୍ତ୍ରୀ ଓ ଶାଶୁଙ୍କୁ ଟାଙ୍ଗିଆରେ ମିଥୁନ ହତ୍ୟା କରିଥିଲେ। ଘଟଣା ଘଟିବା ପରେ ମିଥୁନ ତାଙ୍କ ଦେଢ଼ ବର୍ଷ ର ଶିଶୁ ପୁତ୍ରକୁ ନେଇ ଥାନାରେ ଆତ୍ମ ସମର୍ପଣ କରିଥିଲେ। ପୁଲିସ ଘଟଣା ସ୍ଥଳକୁ ଯାଇ ମୃତଦେହ ଜବତ କରି ତଦନ୍ତ କରୁଛି।