ସମ୍ବଲପୁର, ୦୭/୦୯ : ବୁର୍ଲା ଭୀମସାରରେ ଗୋଷ୍ଠୀ ସଙ୍ଘର୍ଷ। ଦୁଇ ଛାତ୍ର ଗୋଷ୍ଠୀଙ୍କ ମଧ୍ୟରେ ଖଣ୍ଡଯୁଦ୍ଧ। ନୂତନ ପ୍ରେକ୍ଷାଳୟ ପରିସରରେ ଚାଲିଥିବା ପ୍ରିସ୍‌ମସ୍-୨୦୨୪ ତଥା ୟୁଜି ଛାତ୍ର ସଙ୍ଘ ବାର୍ଷିକ ଉତ୍ସବରେ ଏହି ଗୋଷ୍ଠୀ ସଙ୍ଘର୍ଷ ଘଟିଛି। କିଛି ପିଜି ଛାତ୍ର ସେଠାରେ ଉପସ୍ଥିତ ଇଣ୍ଟର୍ଣ୍ଣ ଛାତ୍ରମାନଙ୍କୁ ସଙ୍ଘବଦ୍ଧ ଭାବେ ଆକ୍ରମଣ କରିଛନ୍ତି। ଏଥିରେ ୩ ଜଣ ଇଣ୍ଟର୍ଣ୍ଣ ଛାତ୍ର ଆହତ ହୋଇଥିବା ଅଭିଯୋଗ ହୋଇଛି। 

ସୂଚନାନୁଯାୟୀ, ବୁର୍ଲା ଭୀମସାରରେ ଦୁଇ ଛାତ୍ର ଗୋଷ୍ଠୀଙ୍କ ମଧ୍ୟରେ ଗୋଷ୍ଠୀ ସଙ୍ଘର୍ଷ ହୋଇଛି। ତନ ପ୍ରେକ୍ଷାଳୟ ପରିସରରେ ଚାଲିଥିବା ପ୍ରିସ୍‌ମସ୍-୨୦୨୪ ତଥା ୟୁଜି ଛାତ୍ର ସଙ୍ଘ ବାର୍ଷିକ ଉତ୍ସବରେ କିଛି ପିଜି ଛାତ୍ର ସେଠାରେ ଉପସ୍ଥିତ ଇଣ୍ଟର୍ଣ୍ଣ ଛାତ୍ରମାନଙ୍କୁ ସଙ୍ଘବଦ୍ଧ ଭାବେ ଆକ୍ରମଣ କରିଛନ୍ତି। ଏଥିରେ ୩ ଜଣ ଇଣ୍ଟର୍ଣ୍ଣ ଛାତ୍ର ଆହତ ହୋଇଛନ୍ତି। ଆହତ ହୋଇଥିବା ଛାତ୍ରମାନେ ହେଲେ ୟୁଜି ଛାତ୍ରସଙ୍ଘ ସଭାପତି ଡା. ପ୍ରଭାତ କୁମାର ଜେନା, ପୂର୍ବତନ ସାଧାରଣ ସମ୍ପାଦକ ଡା. ଏନ୍ .ବିଶ୍ୱରଞ୍ଜନ ଏବଂ ଡା. ଅମିତ ଶୁଭମ୍।

ଏହି ଘଟଣା ପରେ ସେଠାରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଛି। ପୂର୍ବତନ ୟୁଜି ଛାତ୍ରସଙ୍ଘ ସଭାପତି ଡା. ଜେନା, ପୂର୍ବତନ ସାଧାରଣ ସମ୍ପାଦକ ଏନ୍. ବିଶ୍ବରଞ୍ଜନଙ୍କ ସମେତ ୨୦ରୁ ଅଧିକ ଛାତ୍ର ବିଳମ୍ବିତ ରାତି ପର୍ଯ୍ୟନ୍ତ ବୁର୍ଲା ଥାନାର ଦ୍ଵାରସ୍ଥ ହୋଇଛନ୍ତି। ଭୀମସାର ନିର୍ଦ୍ଦେଶକ ଡା. ଭାବଗ୍ରାହୀ ରଥଙ୍କ ସମେତ ଏସ୍‌ଡିପିଓ ଅମିତ ମହାନ୍ତି ଥାନାଧିକାରୀ ଅନିଲ ପ୍ରଧାନଙ୍କ ଉପସ୍ଥିତିରେ ବିଳମ୍ବିତ ରାତି ଯାଏଁ ଥାନାରେ ବୁଝାମଣା କରିଛନ୍ତି।