କଣାସ, ୨୦।୧୦: ଦୟା ନଦୀରେ ଆତଙ୍କ ସୃଷ୍ଟି କରିଥିବା କୁମ୍ଭୀରକୁ କାବୁ କରିଛନ୍ତି ମତ୍ସ୍ୟଜୀବୀ । ପରେ ଏହାକୁ ବନବିଭାଗକୁ ହସ୍ତାନ୍ତର କରିଛନ୍ତି । ବନବିଭାଗ ଓ ନନ୍ଦନକାନର ଏକ ସ୍ୱତନ୍ତ୍ର ଟିମ୍ ସାହାଯ୍ୟରେ ରାପିଡ୍ ରେଷ୍ପନସ୍ ଟିମ୍ ଭ୍ୟାନ ଯୋଗେ ଏହି କୁମ୍ଭୀରକୁ କଣାସରୁ ଭୁବନେଶ୍ୱରସ୍ଥିତ ନନ୍ଦନକାନନକୁ ପଠାଯାଇଛି । ଗ୍ରାମବାସୀ ଗତ କିଛି ଜିନ ଧରି କୁମ୍ଭୀର ଆତଙ୍କରେ ରହିଥିବା ବେଳେ ଦୟା ,ରାଜୁଆ, ମକରା ନଦୀରେ ଆଉ ୨ରୁ ୩ଟି କୁମ୍ଭୀର ରହିଥିବା ସ୍ଥାନୀୟ ଲୋକେ ଦାବି କରିଛନ୍ତି । ଯାହାକୁ ନେଇ ଭୟଭୀତରେ ଅଛନ୍ତି କଣାସ ଅଞ୍ଚଳବାସୀ । ବାରମ୍ବାର ଅଭିଯୋଗ ପରେ ମଧ୍ୟ ବନବିଭାଗର ନିରବତା ଯୋଗୁଁ ଲୋକେ ଅସନ୍ତୋଷ ପ୍ରକାଶ କରିଛନ୍ତି । 

ପରେ ଘଟଣାସ୍ଥଳରେ ଦୀର୍ଘ ସମୟ ଧରି କ୍ଷତିପୂରଣ ଦାବିରେ ମସ୍ୟଜିବୀ କୁମ୍ଭୀର ଓ ବନବିଭାଗକୁ ଅଟକ ରଖିଥିଲେ । ସ୍ଥାନୀୟ ପୋଲିସର ତତ୍ତ୍ୱାବଧାନ ଓ ବୁଝାସୁଝା ପରେ ଆସନ୍ତା ସୋମବାର ସୁଦ୍ଧା କ୍ଷତିପୂରଣ ଦିଆଯିବ ବୋଲି ବନବିଭାଗ ପ୍ରତିଶ୍ରୁତି ଦେଇଥିଲେ । ପରେ ଘଟଣାସ୍ଥଳରୁ ମତ୍ସ୍ୟଜିବୀ କୁମ୍ଭୀର ଓ ବନବିଭାଗକୁ ଛାଡ଼ିଥିଲେ । ନଦୀରେ ଆହୁରି ଏକାଧିକ କୁମ୍ଭୀର ଥିବା ନେଇ ଲୋକେ ଦାବି କରୁଥିବା ବେଳେ ଏହା ପ୍ରତି କେତେ ଅନୁଧ୍ୟାନ କରିବ ବନବିଭାଗ ତାହା ସମୟ କହିବ ।