ଭଦ୍ରକ,୦୭/୧୧: ବିଳମ୍ବିତ ରାତିରେ ଚୋରି ହେଉଥିଲା ଗୋରୁ । ଖବର ପାଇ ଗୋରୁ ବୋଝେଇ ସ୍କର୍ପିଓ ଗାଡ଼ି ଅଟକ ରଖିଲେ ଗ୍ରାମବାସୀ । ଏଭଳି ଘଟଣାକୁ ନେଇ ପରିବେଶ ଅଶାନ୍ତ ହୋଇଥିବା ବେଳେ ଭଦ୍ରକ ଜିଲ୍ଲା ଗଣ୍ଡଗରା ଠାରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ଗଣ୍ଡଗରା ଠାରେ ଏକ ନାଲି ସ୍କର୍ପିଓ ଭିତରେ ଗୋରୁ ବୋଝେଇ କରି ଠିଆ ହେଇଥିଲା । ଏହି ସମୟରେ ଅନ୍ୟ ୩ ଜଣ ପାଖରେ ଥିବା ଷଣ୍ଢ ଏବଂ ଗୋରୁଙ୍କୁ ଚୋରି କରି ନେଉଥିଲେ । ଏହି ଖବର ପାଇ ଗ୍ରାମବାସୀ ଏକାଠି ହୋଇଥିଲେ । ପରେ ଗ୍ରାମବାସୀଙ୍କ ହାବୁଡରେ ପଡ଼ିଥିଲେ ଗୋରୁ ଚୋର । ଗ୍ରାମବାସୀମାନେ ଏକାଠି ହୋଇ ହୋ ହାଲା କରିବାରୁ ଗୋରୁ ଚୋର ମାନେ ଗାଡ଼ି ଛାଡ଼ି ଦୌଡି ପଳାଇଥିଲେ । ଏନେଇ ପୋଲିସକୁ ସ୍ଥାନୀୟଲୋକେ ଖବର ଦେଇଥିଲେ । ଏହି ଘଟଣା ପରେ ପରିବେଶ ଅଶାନ୍ତ ହେବାର ଲାଗିଥିବା ବେଳେ ଘଟଣା ସ୍ଥଳରେ ସ୍ଥାନୀୟ କେନ୍ଦୁଆପଦା ପୋଲିସ୍ ଏପର୍ଯ୍ୟନ୍ତ ପହଞ୍ଚି ନଥିବା ସୂଚନା ମିଳିଛି । ତେବେ ଲୋକଙ୍କ କହିବାନୁଯାୟୀ, ପୁର୍ବରୁ ମଧ୍ୟ ଏମିତି ଅନେକ ବାର ଗୋରୁ ଚୋରି କରିବାକୁ ଉଦ୍ୟମ କରି ବିଫଳ ହୋଇଛନ୍ତି ଗୋରୁ ବେପାରୀ ମାନେ । ସେହି ଗ୍ରାମର ଜଣେ ବ୍ୟକ୍ତି ଏଥିରେ ସାମିଲ ଥିବା ନେଇ ଅଭିଯୋଗ କରିଛନ୍ତି ଗ୍ରାମବାସୀ ।