ପୁରାତନ କାଳରୁ ବାସ୍ତୁ ଶାସ୍ତ୍ରର ବିଶେଷ ଗୁରୁତ୍ୱ ରହିଆସିଛି । ଘରର କେଉଁ ସ୍ଥାନରେ ଆସବାବପତ୍ର ରହିବ, କେଉଁପଟେ ରୋଷେଇ ଘର, କେଉଁଠି ସିଡି ସବୁକିଛି ବାସ୍ତୁ ଶାସ୍ତ୍ର ଅନୁସାରେ କରାଯାଏ । କାରଣ ବାସ୍ତୁ ଦୋଷ ରହିଲେ ଘରେ ସର୍ବଦା ସମସ୍ୟା ଲାଗେ ରହେ । ତେଣୁ ଘରେ ଧନଧାନ୍ୟ,ସୁଖ ଓ ସମୃଦ୍ଧି ଆଣିବାରେ ବାସ୍ତୁ ଶାସ୍ତ୍ର ଅତ୍ୟନ୍ତ ପ୍ରଭାବଶାଳୀ ବିବେଚନା କରାଯାଏ । ବାସ୍ତୁ ଶାସ୍ତ୍ରରେ ଆର୍ଥିକ ସମସ୍ୟା ଦୂର କରିବା ପାଇଁ ମଧ୍ୟ ଅନେକ ଉପାୟ ରହିଛି । ଆସନ୍ତୁ ଜାଣିବା..
ଦିଗ ଅନୁସାରେ ନିଜ ଘର ରୁମଗୁଡିକର ରଙ୍ଗ ଚୟନ କରିବା ଉଚିତ୍ । ଏପରି କଲେ ଘରେ ସକରାତ୍ମକ ଶକ୍ତି ପ୍ରବେଶ କରିଥାଏ । ସେହିପରି ଟ୍ୟାପ୍ରୁ ପାଣି ବୁନ୍ଦା ବୁନ୍ଦା ପଡିବାକୁ ବାସ୍ତୁ ଶାସ୍ତ୍ରରେ ଅଶୁଭ ମନେ କରାଯାଏ । ଏହାଦ୍ବାରା ଘରେ ସବୁବେଳେ ଆର୍ଥିକ ସମସ୍ୟା ଲାଗି ରହେ । ଯେତେ ରୋଜଗାର କଲେ ଅଣ୍ଟେନି । ତେଣୁ ସବୁବେଳେ ଭଲ ଭାବେ ଟ୍ୟାପ୍ ବନ୍ଦ କରିବା ଉଚିତ୍ । ଏଥିସହ ଘରର କେଉଁ ପଟେ ପାଣି ଟାଙ୍କି ରହିବା ଉଚିତ୍ ତାହା ମଧ୍ୟ ବାସ୍ତୁ ଶାସ୍ତ୍ରରେ କୁହାଯାଇଛି । ବାସ୍ତୁ ଅନୁସାରେ, ଘରର କବାଟ ଓ ଝରକା ସବୁବେଳେ ସଫାସୁତୁରା ରଖିବା ଆବଶ୍ୟକ । ସକାଳ, ସନ୍ଧ୍ୟାରେ ଝରକା ଖୋଲା ରଖନ୍ତୁ ।
ଏଦି ଦିଗରୁ ଖରା ଓ ପବନ ଘରେ ପ୍ରବେଶ କରିବା ଆବଶ୍ୟକ । ଏହାଦ୍ବାରା ଘରେ ସକରାତ୍ମକ ଶକ୍ତିର ପ୍ରବାହ ହୋଇଥାଏ । ବାସ୍ତୁ ଶାସ୍ତ୍ର ଅନୁସାରେ ଘର ଅବ୍ୟବସ୍ଥିତ ଓ ଅପରିସ୍କାର ରହିଲେ ସବୁବେଳେ ଆର୍ଥିକ ସମସ୍ୟା ଲାଗି ରହେ । ତେଣୁ ଘରକୁ ସର୍ବଦା ସଫାସୁତୁରା ଓ ବ୍ୟବସ୍ଥିତ ରଖନ୍ତୁ । ଏହାଦ୍ବାରା ଘରେ ଲକ୍ଷ୍ମୀ ବାସ କରନ୍ତି । ବାସ୍ତୁ ଶାସ୍ତ୍ରରେ ଘରର ଆଲମିରା ରଖିବା ସ୍ଥାନ ମଧ୍ୟ କୁହାଯାଇଛି । ଏହା ଅନୁସାରେ, ଆଲମିରା ସବୁବେଳେ ଦକ୍ଷିଣ କିମ୍ବା ଦକ୍ଷିଣ ପଶ୍ଚିମ ଦିଗ ଆଡକୁ ରଖିବା ଉଚିତ୍ ।
