ସୁନ୍ଦରଗଡ଼,୧୮/୦୭: ସୁନ୍ଦରଗଡ଼ ଜିଲ୍ଲା ଲେଫ୍ରିପଡା ଥାନା ଅନ୍ତର୍ଗତ ବଡଖଲିଆ ଗ୍ରାମରେ ଦୁର୍ଘଟଣା। ଏକ ବିଲରେ ଟ୍ରାକ୍ଟର ଓଲଟି ଚାଳକ ମୃତ । ମୃତକ ଜଣକ ଉକ୍ତ ଗ୍ରାମର ଅନୀଲ ପଟେଲ ବୋଲି ଜଣାପଡ଼ିଛି।
ସୂଚନା ମୁତାବକ, ଅନୀଲ ତାଙ୍କ ବିଲରେ ନିଜ ଟ୍ରାକ୍ଟରରେ ଜମି ଚାଷ କରୁଥିବା ବେଳେ ଟ୍ରକଟି ଦିନ ପ୍ରାୟ ୧ଟା ସମୟରେ ଭାରସାମ୍ୟ ହରାଇ ଓଲଟି ପଡିଥିଲା । ଏଥିରେ ସେ ଟ୍ରାକ୍ଟର ତଳେ ଚାପି ହୋଇ ଯାଇଥିଲେ । ଗ୍ରାମବାସୀଙ୍କ ସହାୟତାରେ ପରିବାର ଲୋକେ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତକଙ୍କ ସମ୍ପର୍କୀୟ ଦୀପକ ପଟେଲ ଆଜି ସନ୍ଧ୍ୟାରେ ଏ ନେଇ ଥାନାରେ ଏତଲା ଦେବା ପରେ ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଆସନ୍ତାକାଲି ମୃତଦେହ ବ୍ୟବଚ୍ଛେଦ କରାଯିବ ବୋଲି ପୁଲିସ କହିଛି ।
