ପ୍ରୟାଗରାଜ, ୧୪/୧ : ଉତ୍ତରପ୍ରଦେଶର ପ୍ରୟାଗରାଜରେ ମହାକୁମ୍ଭ ୨୦୨୫ ଗତ ସୋମବାରରୁ ଆରମ୍ଭ ହୋଇଛି । ଏଥିରେ କୋଟି କୋଟି ଲୋକ ଭାଗ ନେଉଛନ୍ତି। ସେହିଭଳି ମହାକୁମ୍ଭରେ ପ୍ରଚଣ୍ଡ ଥଣ୍ଡାର ପ୍ରକୋପ ଦେଖିବାକୁ ମିଳୁଛି । ସାହି ସ୍ନାନ ପରେ ୩ଜଣଙ୍କ ମୃତ୍ୟୁ ହୋଇଛି ଯାହାକି ୩ହଜାରରୁ ଅଧିକ ଲୋକ ଅସୁସ୍ଥ ହୋଇପଡ଼ିଛନ୍ତି । ଅସୁସ୍ଥ ହେବାରୁ ଶରଦ ପାଓ୍ବାରଙ୍କ ପାର୍ଟିର ନେତାଙ୍କୁ ତାଙ୍କ ବନ୍ଧୁ ସକାଳ ୮ଟା ୩୦ମିନିଟରେ ଉପ କେନ୍ଦ୍ରୀୟ ମେଡ଼ିକାଲ ଲାଗି ନିଆଯାଇଛି । ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏହାସହ କୋଟା ରାଜସ୍ଥାନର ଏକ ଅନ୍ୟ ବ୍ୟକ୍ତି ସୁଦର୍ଶନ ସିଂହ ପାଓ୍ବାରଙ୍କ ବି ମୃତ୍ୟୁ ହୋଇଛି । ସୁଦର୍ଶନ ସିଂହ ବି ନିଜ ସାଙ୍ଗଙ୍କ ସହ ମହାକୁମ୍ଭରେ ସ୍ନାନ ଲାଗି ଆସିଥିଲେ । ସ୍ନାନ ପରେ ତାଙ୍କର ସ୍ବାସ୍ଥ୍ୟବସ୍ଥା ବିଗିଡ଼ିବାରୁ ନିକଟସ୍ଥ ଉପକେନ୍ଦ୍ରୀୟ ହସ୍ପିଟାଲ ନେଇଥିଲେ । ପୋଷ୍ଟ ମର୍ଟମ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡ଼ିବ ବୋଲି କୁହାଯାଉଛି । ଏହା ବ୍ୟତୀତ ୮୫ବର୍ଷର ଅର୍ଜୁନ ଗୀରିଙ୍କୁ ହାର୍ଟ ଆଟାକ ଆସିବା ପରେ ହସ୍ପିଟାଲ ନିଆଯାଉଥିଲା, ରାସ୍ତାରେ ତାଙ୍କର ମୃତ୍ୟୁ ହୋଇଛି ।
କେନ୍ଦ୍ରୀୟ ହସ୍ପିଟାଲର ମୁଖ୍ୟ ଚିକିତ୍ସା ଅଧୀକାରୀ ଡ. ମନୋଜ କୌଶିକ ସୂଚନା ଦେଇ କହିଛନ୍ତି କି ୧୩ଜାନୁଆରୀ ୨୦୨୫ରେ ପ୍ରାୟ ୩ହଜାରରୁ ଅଧିକ ଲୋକ ଚିକିତ୍ସା ଲାଗି ଓପିଡିରେ ପହଞ୍ଚିଥିଲେ । ଏଥିରୁ ୨୬୨ରୋଗୀଙ୍କୁ ଭର୍ତ୍ତି କରାଯାଇଛି । ୩୭ଜଣ ରୋଗୀଙ୍କ ଗମ୍ଭୀର ଅବସ୍ଥା ଦେଖି ଦ୍ବିତୀୟ ହସ୍ପିଟାଲକୁ ପଠାଯାଇଛି । ଏହି ଲୋକଙ୍କୁ ମେଳା ଅଞ୍ଚଳରେ ଝୁସି ଏବଂ ଅରେଲ ହସ୍ପିଟାଲରୁ ଏସଆରଏନକୁ ରେଫର କରାଯାଇଛି ।
