ବଣାଇ, ୨୫।୯ : ଧରାପଡିଲା ତୀରମାଡ କରୁଥିବା ଯୁବକ ଧନୀ ମୁଣ୍ଡା । ଡିଭିଏଫ ଟିମ ଚତୁରତାର ସହ ସ୍କୁଲର ତୃତୀୟ ମହଲାରୁ କାବୁ କରିଛି। ତୀର, ବାଟୁଳି, ଅନ୍ୟାନ୍ୟ  ସାମଗ୍ରୀ ଜବତ କରି ମହଲପଦା ଥାନାକୁ ତାଙ୍କୁ ନିଆଯାଇଛି। 

ସୁନ୍ଦରଗଡ ଜିଲ୍ଲା ମହୁଲପଦା ଥାନା ଅନ୍ତର୍ଗତ ସରକାରୀ ପ୍ରାଥମିକ ବିଦ୍ୟାଳୟ ବଡ଼ଯଲ ଠାରେ ଦୁଇ ଦିନ ହେଲା ଫୁଲଝର ଗ୍ରାମର ଧନି ମୁଣ୍ଡା ନାମକ ବ୍ୟକ୍ତି ଉତ୍ପାତ ଚଲାଇଛି । ଗତ ରବିବାର ଦିନ ଠାରୁ ବିଦ୍ୟାଳୟକୁ ଧନୁତୀର, ବାଟୁଳି , ପଥର ଧରି ସ୍କୁଲରେ ପହଞ୍ଚିଥିଲା । ପ୍ରଥମେ ପ୍ରଧାନ ଶିକ୍ଷକଙ୍କ ସହ ବଚସା କରିଥିଲା ତାପରେ ବାଟୁଳି ମାରି ମୁଣ୍ଡ ଫଟାଇ ଦେଇଥିଲା ।  ସ୍କୁଲ ଛାତ୍ର ଛାତ୍ରୀଙ୍କ ଖାଦ୍ୟ ସାମଗ୍ରୀ ଥିବା ରୋଷେଇ ଘରର କବାଟ ଭାଙ୍ଗି ଛାତ ଉପରକୁ ଚଢିଥିଲା ।  ଏଇଟା ମୋ ଘର କହି ଦୁଇ ଦିନ ହେଲା ସେଠାରେ ରହିଥିବା ବେଳେ ମଙ୍ଗଳବାର ତାକୁ ଛାତରୁ ଓହ୍ଲେଇବା ପାଇଁ ଲୋକେ କହିବାରୁ ତାଙ୍କ ଉପରକୁ ଧନୁ ତୀରରେ ତୀର ମାଡ କରିଥିଲା ଫଳରେ ଲୋକେ ଭୟଭୀତ ହୋଇ ଥାନାରେ ଜଣାଇଥିଲେ।  ଏନେଇ ଥାନା ଅଧିକାରୀଙ୍କ ସହ ପୋଲିସ ଟିମ ଘଟଣା ସ୍ଥଳରେ ପହଞ୍ଚି ଥିଲା। ଥାନା ଅଧିକାରୀ ସୁରେଶ ଚନ୍ଦ୍ର ପ୍ରଧାନ ସିଡ଼ିରେ ଛାତକୁ ଯାଉଥିବା ବେଳେ ତାଙ୍କ ଉପରେ ତୀର ମାଡ କରିଥିଲା  । ଘଟଣା ସ୍ଥଳକୁ ବଣେଇ ଏସଡିପିଓ, ଅଗ୍ନିଶମ ବିଭାଗ କର୍ମଚାରୀ ପହଞ୍ଚିଥିଲେ କିନ୍ତୁ  ତାକୁ ଧରିବାରେ ବିଫଳ ହୋଇ ଥିଲେ । ବୁଧବାର ୮ ପୃଷ୍ଠାର ଦାବିପତ୍ର  ସ୍କୁଲ ଛାତ ଉପରୁ ଫୋପାଡିଥିଲା। ଶେଷରେ  ଡିଭିଏଫ ଫୋର୍ସ ଚତୁରତାର ସହ ଧୀନଙ୍କୁ କାବୁ କରିଥିଲେ।