ପ୍ରମୂଖ ଖବର
  • ୨୯ ତାରିଖକୁ ସରକାରୀ ଛୁଟି ଘୋଷଣା,ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ
  • ||
  • ଗଞ୍ଜାମ; ଆକାଶରୁ ଖସିଲା ମୃତ୍ୟୁ, ବଜ୍ରପାତ ଘଟି ୩ ମହିଳାଙ୍କ ମୃତ୍ୟୁ
  • ||
  • ଶ୍ରୀମନ୍ଦିର ପରିଚାଳନା କମିଟି ଘୋଷଣା, ପ୍ରକାଶ ପାଇଲା ୧୦ଜଣ ସଦସ୍ୟଙ୍କ ନାଁ
  • ||
  • ଜୁଆ ଆଡ୍ଡା ଉପରେ ପୁଲିସର ଚଢ଼ାଉ; ଟଙ୍କା-ମୋବାଇଲ ଫୋନ ଜବତ, ୭ ଜୁଆଡ଼ି ଗିରଫ
  • ||
  • ‘ଆମ ଶାସନ’ ବ୍ୟବସ୍ଥାର ଶୁଭାରମ୍ଭ, ଲୋକଙ୍କ ମତାମତ ଆଧାରରେ ହେବ ନୀତି ନିର୍ଦ୍ଧାରଣ
  • ||
  • ନୂଆଦିଲ୍ଲୀ: ତଦନ୍ତରେ ଚାଞ୍ଚଲ୍ୟକର ଖୁଲାସା; ପାକିସ୍ତାନକୁ ପଠାଯାଉଥିଲା ଦେଶର ଗୁଇନ୍ଦା ସୂଚନା, ପାକିସ୍ତାନୀ ଗୁପ୍ତଚର ସମ୍ପର୍କରେ ଥିଲେ ଭାରତର ୧୫ ଅଧିକାରୀ
  • ||
  • ଟାଙ୍ଗୀ : ରୋଷେଇ ଚାଲିଥିବା ବେଳେ ଫାଟିଲା ଗ୍ୟାସ୍ ସିଲିଣ୍ଡର, ହୁତୁହୁତୁ ହୋଇ ଜଳିଗଲା ଘର, ୬ଟି ପରିବାର ସର୍ବସ୍ବାନ୍ତ
  • ||
  • ଥମିଲା ଆନ୍ଦୋଳନ,୧୫ ଦିନ ପରେ ଅମଲା ଆନ୍ଦୋଳନ ସ୍ଥଗିତ
  • ||
  • ମହମ୍ମଦ ୟୁନୁସ୍‌ଙ୍କ ବଡ଼ ଘୋଷଣା : '୨୦୨୬ରେ ବାଂଲାଦେଶକୁ ମିଳିବ ଗଣତାନ୍ତ୍ରିକ ସରକାର, ଯିଏ ଜିତିବ ତା' ହାତରେ ଟେକିଦେବୁ ଶାସନ ଭାର'
  • ||
  • ଗାଜା ହସ୍ପିଟାଲରେ ଇସ୍ରାଏଲ ସେନାର ବୋମାମାଡ଼, ୫ ସାମ୍ବାଦିକଙ୍କ ସମେତ ୨୦ ଜଣଙ୍କ ମୃତ୍ୟୁ, ଅନେକ ଆହତ
  • ||
  • ଆଗାମୀ ୪୮ ଘଣ୍ଟା ଭିତରେ ସୃଷ୍ଟି ହେବ ଆଉ ଏକ ଲଘୁଚାପ, ୨୯ ଯାଏ ବର୍ଷା ସମ୍ଭାବନା, ଆଜି ପାଇଁ ୧୦ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||
  • କାଣୀ ନଦୀରେ ଘାଈ ପରେ ଦୁର୍ଦ୍ଦଶା, ପାଣି ଘେରରେ ଦଶରଥପୁର ବ୍ଲକର ୧୫ ପଞ୍ଚାୟତ, ୫ ହଜାର ଲୋକେ ଜଳବନ୍ଦୀ
  • ||
  • ବଢି ଯନ୍ତ୍ରଣା : ବୈତରଣୀ ଓ ସୁବର୍ଣ୍ଣରେଖା କୋପରେ ଭାସୁଛି ଶତାଧିକ ଗାଁ, ଜଳବନ୍ଦୀ ଅବସ୍ଥାରେ ହଜାର ହଜାର ଲୋକେ
  • ||
  • ମଙ୍ଗଳବାର ଉଦୟଗିରି, ହିମଗିରିର ହେବ ଜଳାବତରଣ; ଶତ୍ରୁର ଜାହାଜକୁ ଖୋଜି ଖୋଜି କରିବ ଧ୍ୱଂସ
  • ||
  • ରୋଷେଇ ବେଳେ ଅଘଟଣ: ଆକସ୍ମିକ ଅଗ୍ନିକାଣ୍ଡରେ ଦମ୍ପତି ଜୀବନ୍ତ ଦଗ୍ଧ, ଅନାଥ ହୋଇଗଲା ୯ ମାସ ଶିଶୁ
  • ||

ରପ୍ତାନିକାରୀଙ୍କ ଲାଗି ଆସିବ ୨୫ ହଜାର କୋଟିର ବୁଷ୍ଟର ପ୍ୟାକେଜ, କାର୍ଯ୍ୟକାରୀ ହେବ ଏକ୍ସପୋର୍ଟ ପ୍ରମୋସନ ମିଶନ

Published By : Manoj | August 25, 2025 12:27 PM

ନୂଆଦିଲ୍ଲୀ,୨୫/୦୮: କରୋନା ମହାମାରୀ  ପରେ ବିଶ୍ୱ ବଜାର ସ୍ଥିତାବସ୍ଥାକୁ ଫେରୁଥିଲା । ଏହା  ପରେ ରୁଷ ୟୁକ୍ରେନ ଯୁଦ୍ଧ, ମଧ୍ୟପ୍ରାଚ୍ୟ ସଙ୍କଟ ଏବଂ  ଆମେରିକାର ଟାରିଫ ଯୋଗୁ ଏବେ ବଜାର ପୁଣି  ଥରେ ପ୍ରଭାବିତ ରହିଛି । ଏଭଳି ସ୍ଥିତିରେ ଭାରତୀୟ  ରପ୍ତାନିକାରୀ ମାନେ ବର୍ତ୍ତମାନ ବିଭିନ୍ନ ସମସ୍ୟା ଦେଇ ଗତି କରୁଛନ୍ତି । ରପ୍ତାନିକାରୀଙ୍କ ସମସ୍ୟା ସମାଧାନ ଲାଗି  ଆସିପାରେ ୨୫ ହଜାର କୋଟିର ବୁଷ୍ଟର ପ୍ୟାକେଜ ।  ଏ ନେଇ ସରକାର ବର୍ତ୍ତମାନ ବିଚାର କରୁଥିବା ପ୍ରକ୍ରିୟା ସହ ଜଡିତ ଜଣେ ବରିଷ୍ଠ ଅଧିକାରୀ କହିଛନ୍ତି । 

ଅଧିକାରୀଙ୍କ କହିବା ମୁତାବକ, ବଜେଟରେ କେନ୍ଦ୍ର ସରକାର ରପ୍ତାନି କ୍ଷେତ୍ରରେ ପ୍ରୋତ୍ସାହିତ  କରିବା ଲାଗି ରପ୍ତାନି ପ୍ରୋତ୍ସାହନ ମିଶନ ସମ୍ପର୍କରେ ଘୋଷଣା କରିଥିଲେ । ୨୦୨୫-୨୦୩୧ ଯାଏ ଏହା  କାର୍ଯ୍ୟକାରୀ ହେବ । ଏ ସମ୍ପର୍କରେ ସରକାର ବିସ୍ତୃତ  କାର୍ଯ୍ୟକ୍ରମ ଗ୍ରହଣ କରିବାକୁ ଯାଉଛନ୍ତି । ଏହା ଦ୍ୱାରା ରପ୍ତାନିକାରୀଙ୍କୁ ସୁଲଭ ହାରରେ ଋଣ ଯୋଗାଣ ଉପରେ ଫୋକସ କରାଯିବ । ଏ ନେଇ ବାଣିଜ୍ୟ ମନ୍ତ୍ରଣାଳୟ ପକ୍ଷରୁ ଅର୍ଥ  ମନ୍ତ୍ରଣାଳୟର ଖର୍ଚ୍ଚ କମିଟିକୁ ଏକ ଚିଠି ଲେଖାଯାଇଛି । ମନ୍ତ୍ରଣାଳୟର ମଞ୍ଜୁରୀ ପରେ ଏହାକୁ ଲାଗୁ କରିବା ଉପରେ କେନ୍ଦ୍ର ସରକାର ଅଗ୍ରସର ହେବେ । ଏହି  ପ୍ରୋତ୍ସାହନ ସ୍କିମ ଆସିଲେ ଟାରିଫ ଯୁଦ୍ଧ ଯୋଗୁ ସଙ୍କଟ  ସ୍ଥିତି ଦେଇ ଗତି କରୁଥିବା ରପ୍ତାନିକାରୀଙ୍କ ଲାଗି ନୂଆ  ଆଶା ସଂଚାର ହେବ ବୋଲି ଆଶା କରାଯାଉଛି ।  

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ  ଉପରେ ୫୦% ଟାରିଫ ଘୋଷଣା କରିଛନ୍ତି । ବର୍ତ୍ତମାନ  ଭାରତ ଉପରେ ୨୫% ଟାରିଫ ଲାଗୁ ହେଉଥିବା  ବେଳେ ନୂଆ ୫୦% ଟାରିଫ ଚଳିତ ମାସ ୨୭ରୁ ଲାଗୁ  ହେବ । ଏହା ଦ୍ୱାରା ଆମେରିକା ବଜାରରୁ ଭାରତର  ରପ୍ତାନି ମହଙ୍ଗା ହେବ । ରପ୍ତାନିକାରୀଙ୍କୁ ଆଗାମୀ ୬  ବର୍ଷ ଲାଗି ଉତ୍ସାହିତ କରିବା ଉପରେ ବଜେଟରେ  ନୂଆ ସ୍କିମ ଘୋଷଣା କରିଥିଲେ । ଏହା ଆସିଲେ  ରପ୍ତାନି କ୍ଷେତ୍ର ଲାଭବାନ ହେବାକୁ ଯାଉଛି । 

ଦେଶର ଏମ୍‌ଏସ୍‌ଏମ୍‌ଇ ରପ୍ତାନିକାରୀ ସାମ୍ନା  କରୁଥିବା ବିଭିନ୍ନ ସମସ୍ୟାକୁ ମଧ୍ୟ ବିଚାର କରିବେ  ସରକାର । ଏକ୍ସପୋର୍ଟ ପ୍ରମୋସନ ମିଶନ (ଇପିଏମ୍‌)  ଅର୍ଥ ମନ୍ତ୍ରଣାଳୟ, ବାଣିଜ୍ୟ ବିଭାଗ, ଏମ୍‌ଏସ୍‌ଏମ୍‌ଇ  ମନ୍ତ୍ରଣାଳୟ, ଏକ୍ସିମ ବ୍ୟାଙ୍କ, ଇସିଜିସି, ସିଜିଟି  ଏମ୍‌ଏସ୍‌ଇ, ଏନ୍‌ସିଜିଟିସି, ରପ୍ତାନି ପ୍ରମୋସନ  କାଉନସିଲ, କମୋଡିଟି ବୋର୍ଡ, ଶିଳ୍ପ ସଂଘ ଏବଂ  ରାଜ୍ୟ ସରକାରଙ୍କ ସମନ୍ୱୟରେ ଲାଗୁ କରାଯିବ ।  ଏଥିରେ ୨ଟି ଉପ ସ୍କିମ ରହିବ । ଏହା ମଧ୍ୟରେ  ୧୦ ହଜାର କୋଟି ଟଙ୍କା ବିନିଯୋଗରେ ନିର୍ଯ୍ୟାତ  ପ୍ରୋତ୍ସାହନ ଏବଂ ୧୪,୫୦୦ କୋଟିରେ ନିର୍ଯ୍ୟାତ ଦିଶା କାର୍ଯ୍ୟକ୍ରମ ଆସିବ । 

ଏଥିରେ ରପ୍ତାନିକାରୀ ସାମ୍ନା  କରୁଥିବା ନଗଦ ସମସ୍ୟା, ଋଣ ଉପରେ ସୁଧ ରିହାତି  ଭଳି ଦିଗ ଗୁଡ଼ିକୁ ଧ୍ୟାନରେ ରଖାଯିବ । ସେହିଭଳି ରପ୍ତାନି କ୍ଷେତ୍ରରେ ଅନୁପାଳନ,ରପ୍ତାନି ୱେରହାଉସିଂ,  ଲଜିଷ୍ଟିକ୍ସ ଏବଂ ଦକ୍ଷତା ବୃଦ୍ଧି ଉପରେ କାର୍ଯ୍ୟକ୍ରମ ଆସିବ । ଟ୍ରମ୍ପ ଟାରିଫ ଯୋଗୁ ଏବେ ଦେଶର  ବୟନ, କେମିକାଲ୍ସ ଏବଂ ଫୁଟୱେର ଭଳି ବିଭିନ୍ନ  କ୍ଷେତ୍ରରେ ବଡ ମାତ୍ରାରେ ପ୍ରଭାବ ସାମ୍ନା କରୁଛନ୍ତି ।  ନୂଆ ଯୋଜନା ଏ କ୍ଷେତ୍ରରେ ନୂଆ ଆଶା ସଂଚାର କରିବ ବୋଲି ଶିଳ୍ପ ପକ୍ଷରୁ ଆଶା ପ୍ରକଟ କରାଯାଇଛି।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.